ئاوێتەیەك لە شیعری ژنانی كورد بە زمانی فەڕەنسی

ئێوارەی ئەمڕۆ  ٢٠٢٢/١/١٢ لە هۆڵی یەكێتی نووسەرانی كورد - لقی سلێمانی، بەهاوكاریی دەزگای فەڕەنسی هارماتان - بەشی میللەت و كولتور و ئەدەبیاتی رۆژهەڵات، كۆڕێكی تایبەت بە ناساندنی كتێبی ”ئەنتۆلۆژیای شیعری ژنانی كوردستان ” بەڕێوەچوو.

كتێبەكە هەڵبژاردەیەكە لەشیعری ٣٠ ژنە شاعیر لە پارچە جیاوازەكانی كوردستان و لەلایەن شاعیری كورد د.ئەحمەدی مەلا-وە كۆكراونەتەوە و وەرگێڕدراوە بۆ زمانی فەرەنسی .

شاعیری فەڕەنسی نیكۆل باریێر پێشەكی بۆ كتێبەكە نووسیوە و نووسەر ژێرار شالیان هەڵیسەنگاندووە.

پڕۆژەكە لەلایەن د. نەزەند بەگیخانی- یەوە سەرپەرشتی كراوە وەك بەڕێوەبەری بەشی ناوبراو لە دەزگای هارماتان لە پاریس. 

شایەنی باسە هەر لە كۆڕەكەدا ژمارەیەك لە ژنانی شاعیر بە زمانی كوردی شییعریان خوێندەوەو لەلایەن  د.نەزەند بەگیخانی-شەوە شیعرەكان بە زمانی فەرەنسی پێشكەش كران. 

كتێبی ” ئەنتۆلۆژیای شیعری ژنانی كوردستان” لە ساڵی ٢٠٢١ بە زمانی فەرەنسی لە لایەن دەزگای چاپ و پەخشی هارماتان - بەشی میللەت و كولتور و ئەدەبیاتی رۆژهەڵات بڵاوبۆتەوە.

PUKmedia ڤینۆس تۆفیق