کۆڕێکی شیعری ژنانی کوردستان بە فەڕەنسی و کوردیی بەڕێوەدەچێت

بە مەبەستی ناساندنی ئەنتۆلۆژیای شیعری ژنانی کوردستان بە زمانی فەڕەنسی کە لە ساڵی ٢٠٢١ لە لایەن دەزگای چاپ و پەخشی هارماتان / بەشی میللەت و کولتور و ئەدەبیاتی رۆژهەڵات بڵاوبۆتەوە، یەکێتی نووسەرانی کورد لقی سلێمانی (بەسەرپەرشتی شاعیر و نووسەر کەژاڵ ئەحمەد) و دەزگای هارماتان (بەسەرپەرشتی شاعیر و نووسەر د. نەزەند بەگیخانی) کۆڕێکی شیعری بۆ کۆمەڵێ ژنە شاعیری کورد رێک دەخەن،بە هەردوو زمانی کوردی و فەڕەنسی.

ئەنتۆلۆژیای شیعری ژنانی کوردستان هەڵبژاردەیەکە لە شیعری ٣٠ ژنە شاعیر لە پارچە جیاوازەکانی کوردستان. شیعرەکان لە لایەن شاعیری کورد، د.ئەحمەدی مەلا-وە کۆکراونەتەوە و وەرگێڕدراون . شاعیری فەڕەنسی نیکۆل باریێر پێشەکی بۆ کتێبەکە نووسیوە و نووسەر ژێرار شالیان هەڵیسەنگاندووە. پڕۆژەکە لە لایەن د. نەزەند بەگیخانی- یەوە سەرپەرشتی کراوە وەک بەڕێوەبەری بەشی ناوبراو لە دەزگای هارماتان لە پاریس.  

رۆژی چوارشەممە
  ١٢/ ١/ ٢٠٢٢
کات: ٣ ی پاشنیوەڕۆ 
شوێن: هۆڵی نووسەران بەرامبەر کارگەی جگەرە

PUKmedia