د.سۆران جەمال تاهیر:مامۆستایان ئەركە نەتەوەیی و پیشەییەكانیان بەدڵسۆزییەوە بەجێهێناوە

دكتۆر سۆران جەمال تاهیر بەشداری لە بەخشینی خەڵاتی رێزلێنانی مامۆستا نوری عەلی ئەمین كرد.
ئەمڕۆ 27ی 12ی 2021 دكتۆر سۆران جەمال تاهیر ئەندامی مەكتەبی سیاسی و لێپراسراویی مەكتەبی پەیوەندییەكان، بەئامادەبوونی ژمارەیەك لە بەڕێوەبەرو مامۆستاو شارەزایانی بواری پەروەردەو رێزمانی زمانی كوردی و نووسەر و سیاسەتمەدار، بەشداری كرد لەڕێوڕەسمی بەخشینی خەڵاتی رێزلێنانی (مامۆستا نوری عەلی ئەمین)، كە لەلایەن یەكێتیی مامۆستایانی كوردستان و بنەماڵەكەیەوە بەخشرا بەژمارەیەك لە مامۆستایان و بەڕێوبەرە پەروەردەییەكان و رۆژنامەنووسانی شاری سلێمانی.
دكتۆر سۆران پاش بەخشینی خەڵاتەكە بە ژمارەیەك مامۆستای دیاری شاری سلێمانی، لە لێدوانێكدا رۆژنامەوانیدا دەستخۆشی لە رێكخەرانی مەراسیمەكەكردو رۆڵی مامۆستا نوری عەلی ئەمین لەبواری پەروەردەو فێركردندا و نوسینەوەی رێزمانی كوردی بەرز نرخاند،ووتی: مامۆستایان توێژێكی گرنگی كۆمەڵن، جێ دەستی خۆیان لەو بوارەدا نەخشاندوەو قوربانییەكی زۆریشیان بەخشیوەو ئەركە نەتەوەیی و نیشتمانیی و پیشەییەكانیان بەوپەڕی دڵسۆزییەوە بەجێهێناوە، هەر لەو روانگەیەشەوە ئەركی هەموومانە لەبیریان نەكەین و رێزیان لێبگرین و هەمیشە لەخزمەتیاندابین.

PUKmedia