PUKmedia پیرۆزبایی لە هاوكارە كریستیانەكانی دەكات

بێ جیاوازی كلتور، ئاین، نەتەوە،  ستافی  PUKmedia پیرۆزبایی جەژنی لە دایكبوونی حەزرەتی مەسیح لە هاوڕێ كریستیانەكانی دەكات.

سایتی  PUKmedia بەهۆی ئەوەی چەندین بەشی لەخۆگرتووە،  ستافەكەشی فرە كلتور و فرە نەتەوەن، كارۆلینا مازور ئەلیكساندەر كە ماوەی حەوت ساڵە لە بەشی روسی سایتەكە كاردەكات، خەڵكی ئۆكرانیایە و لە ساڵی 2012 ەوە دانیشتووی كوردستانە و خاوەنی منداڵێكە، ئەو دەڵێت، لەكاركردن لە PUKmedia و لەگەڵ ستافەكەی خۆشحاڵم.

هاوكات جولیا زیمرمان ماوەی سێ مانگە هاتووەتە هەرێمی كوردستان و لەگەڵ هاتنیشی لە بەشی ئینگلیزی سایتی PUKmedia دەستبەكار بووە، جولیا خەڵكی ئەڵمانیایە و لەگەڵ هاوسەرەكەی لە سلێمانی دەژین.

ئەوان دەڵێن: زۆر خۆشحاڵین كە لەشوێنی كارەكەمان هیچ جیاوازییەكی ئاینی و كۆمەڵایەتی ناكرێت و ئەمڕۆ لەكاتی هاتنمان بۆ سەركار لەلایەن هاوكارەكانمانەوە بە گوڵ و دیاری پیرۆزبایی لەدایكبوونی حەزرەتی مەسیحمان لێكرا.

سایتی PUKmedia لە ساڵی 2003 ەوە وەك زمانحاڵی رەسمی یەكێتیی نیشتمانیی كوردستان دامەزراوە و بە زمانەكانی كوردی (سۆرانی-كرمانجی)، عەرەبی، ئینگلیزی، روسی هەواڵ بڵاودەكاتەوە.

PUKmedia ژینەر محەمەد