هاتوچۆی سلێمانی شۆفێرانی ماتۆڕسكیل ئاگادار ده‌كاته‌وه‌

ئاگادارییه‌ك له‌ به‌ڕێوه‌به‌رایه‌تی هاتووچۆی سلێمانییه‌وه‌ بۆ شۆفێرانی ماتۆڕسكیل .
‎
ماوه‌یه‌كه‌ دیارده‌ی رۆشتن به‌ پێچه‌وانه‌ی شه‌قام له‌لایه‌ن هه‌ندێك له‌ شۆفێرانی ماتۆڕسكیله‌وه‌ به‌دیده‌كرێت كه‌ ئه‌مه‌ش پێچه‌وانه‌ی یاساكانی هاتووچۆیه‌ و مه‌ترسی دروست بوونی رووداوه‌كانی هاتووچۆ زیاد ده‌كات. 

‎هاتووچۆی سلێمانی ئاگاداری شۆفێرانی ماتۆڕسكیل ده‌كات كه‌ خۆیان له‌م جۆره‌ سه‌رپێچییه‌ به‌ دوور بگرن، هه‌ر شۆفێرێكی ماتۆڕسكیل ئه‌م سه‌رپێچییه‌ ئه‌نجام بدات له‌لایه‌ن مه‌فره‌زه‌كانی هاتووچۆوه‌ ده‌ست به‌سه‌ر ماتۆڕه‌كه‌یدا ده‌گیرێت و ره‌وانه‌ی گه‌راجی ده‌ست به‌سه‌رداگرتن ده‌كرێت. 

‎هه‌روه‌ها داواكارین له‌ هاووڵاتیانی خۆشه‌ویستی شاره‌كه‌مان له‌ئه‌گه‌ری هه‌بوونی حاڵه‌تی له‌و شێوه‌یه‌ په‌یوه‌ندی به‌ ژماره‌ (۱۸۸) ی كۆنترۆڵی هاتووچۆی سلێمانییه‌وه‌ بكه‌ن به‌مه‌به‌ستی ناردنی مه‌فره‌زه‌ و لێپێچینه‌وه‌ له‌ شۆفێرانی سه‌رپێچیكار.

PUKmedia راگه‌یاندنی هاتوچۆی سلێمانی