كرێی وانەبێژی سێ مانگ دەدرێتە مامۆستایان

وەزارەتی دارایی نووسراوی خەرجكردنی كرێی وانەبێژی سێ مانگی مامۆستایانی دەركرد كە بۆ هەڵگرانی بڕوانامەی بەكالۆریۆس و سەروو بەكالۆریۆس و بڕوانامەی دبلۆم لە 450 هەزار بۆ 550 هەزار دینار دەبێت.

بەپێی گشتاندنێكی وەزارەتی دارایی هەرێم كە بە ژمارە (13) ئەمڕۆ 23-12-2021 دەرچووە و ئاڕاستەی وەزارەتی پەروەردە كراوە، لەبارەی خەرجكردنی كرێی وانەبێژان، بڕیاردراوە شایستە داراییەكانی مامۆستایانی وانەبێژی دانەمەزرا و بۆ مانگەكانی (4، 5، 6) ی ساڵی 2021 بەیەك بڕ بۆ هەر سێ مانگ خەرجبكرێت.

هەر بەپێی گشتاندنەكە، هەڵگرانی بڕوانامەی بەكالۆریۆس و سەروو بەكالۆریۆس بڕی (550 هەزار دینار) و هەڵگرانی بڕوانامەی دبلۆم بڕی (450 هەزار دینار) خەرجدەكرێت.

PUKmedia راگەیاندنی وەزارەتی دارایی