riklam

هەولێر.. خوێندكارانی رۆژئاوا دوو هەفتەیە لەخوێندن بێبەشن

کوردستان 12:25 PM - 2021-12-14

ژمارەیەك لە خوێندكارانی رۆژئاوای كوردستان بەهۆی وەستانی خوێندن و بایكۆتی مامۆستایان لە خوێندنگاكانیان گردبوونەوەیەكی ناڕەزایەتیان لەبەرەم ئەنجومەنی وەزیران ئەنجامدا، داوایان كرد كێشەی مامۆستایانی خوێندنگاكانیان چارەسەر بكرێت و لە زووترین كاتدا پڕۆسەی خوێندن لە خوێندنگاكانیان دەستپێبكاتەوە.

ئەو خوێندكارانە ئاماژە بەوەدەكەن دوای دەرباز بوون لە شەڕ و ناخۆشییەكانی سوریا، ئازار و مەینەتی پەنابەری دەیانەوێت  لەهەرێمی كوردستان خوێندن تەواو بكەن .

خوێندكارانی رۆژئاوای كوردستان داوا دەكەن داواكاری مامۆستایانی خوێندنگاكانیان جێبەجێبكرێت، كێشەی مووچە و چارەنووسی كارەكەیان دیاری بكرێت بۆ ئەوەی نەبنە قوربانی .

بەهۆی بایكۆتی مامۆستایانی خوێندنگاكانی تایبەت بە رۆژئاوای كوردستان ماوەیەكە خوێندن لەو خوێندنگایانە وەستاوە و پەكی كەوتووە، ئەویش دوای ئەوە دێت كێشە و داواكاری مامۆستایانی ئەو خوێندنگایانە بە هەڵواسراوی ماوەتەوە، كە خۆی لە پێدانی مووچەكەیان لە كاتی خۆی و دامەزراندنیان وەك مامۆستای وانەبێژ یان گرێبەست دەبینێتەوە.

PUKmedia سەرباز محمەد



ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket