كه‌سوكاری قوربانییانی به‌له‌مه‌ ژێر ئاوكه‌وتووه‌كه‌ی نێوان فه‌ره‌نساو به‌ریتانیا ئاگادارده‌كرێنه‌وه‌

ده‌زگای لوتكه‌ بۆ كاروباری ئاواره‌و په‌نابه‌ران، ئاگادارییه‌ك بۆ هه‌موو هاووڵاتیانی هه‌رێم و عیراق بڵاوده‌كاته‌وه‌و رایده‌گه‌یه‌نێت؛ هه‌ر هاووڵاتییه‌ك گومان ده‌كات كه‌سوكار و ڕۆڵه‌كانیان له‌ ڕووداوی ژێرئاوكه‌وتنی به‌له‌مه‌كه‌ی نێوان فه‌ڕه‌نسا و به‌ریتانیا بێت، به‌ زووترین كات په‌یوه‌ندی به‌ ده‌زگای لوتكه‌وه‌ بكه‌ن بۆ دیاری كردنی چاره‌نووسیان.

ده‌زگای لوتكه‌ و پزیشكی دادی فه‌ڕه‌نسا داوا ده‌كه‌ن هه‌ر هاووڵاتییه‌ك گومان ده‌كات كه‌سوكار و ڕۆڵه‌كانیان له‌ ڕووداوی ژێرئاوكه‌وتنی به‌له‌مه‌كه‌ی نێوان فه‌ڕه‌نسا و به‌ریتانیا بێت، به‌ زووترین كات په‌یوه‌ندی به‌ ده‌زگای لوتكه‌وه‌ بكه‌ن بۆ دیاری كردنی چاره‌نووسیان. 

ده‌زگای لوتكه‌ له‌ ڕاگه‌یه‌نراوێكدا بڵاویكرده‌وه‌، به‌هۆی ڕووداوی ژێر ئاوكه‌وتنی به‌له‌مێكی چوپ له‌ ڕۆژی 24 ی مانگی ڕابردو له‌ كه‌ناڵی ئاوی ئینگلیزدا، نزیكه‌ی 30 كۆچبه‌ری نایاسایی بوون به‌ قوربانی و له‌و ڕووداوه‌دا ته‌رمی 27 كۆچبه‌ر له‌لایه‌ن هێزی ده‌ریاوانی فه‌ڕه‌نسا دۆزراوه‌ته‌وه‌.

به‌ مه‌به‌ستی دیاریكردنی چاره‌نووسی ئه‌و كۆچبه‌رانه‌ی له‌و ڕووداوه‌دابوون، له‌لایه‌ن پزیشكی دادی لیل و پۆلیسی كاڵاس و ده‌زگای لوتكه‌، سامپڵی كه‌سوكاری 19 كۆچبه‌ری كورد وه‌رگیراون.
له‌ ئێستادا ده‌زگای لوتكه‌ و پزیشكی دادی لیل ئاگاداری هه‌ر هاوڵاتییه‌كی كورد و عیراقی ده‌كات، كه‌ گومانان هه‌یه‌ كه‌سوكار و ڕۆڵه‌كانیان له‌و ڕووداوه‌دابووبن، به‌ زووترین كات په‌یوه‌ندی بكه‌ن به‌ ده‌زگای لوتكه‌وه‌ بۆ دیاری كردنی چاره‌نووسیان.

PUKmedia ده‌زاگی لوتكه‌ بۆ كاروباری ئاواره‌و په‌نابه‌ران