پەروەردەی پێنجوێن: هاوكارییەكەی بافڵ تاڵەبانیمان پێگەیشت

بەبڕیاری بافڵ جەلال تاڵەبانی نەوت بەسەر خوێندنگاو پەیمانگاكانی سنوری قەزای پێنجوێندا دابەشكرا.
لە چوارچێوەی ئەو هەڵمەتە بەرفراوانەی بافڵ جەلال تاڵەبانی دەستپێكردووە بۆ هاوكاری خوێندكاران و پرۆسەی خوێندن، بە بڕیاری بافڵ جەلاڵ تاڵەبانی نەوتی سپی بەسەر خوێندنگەو پەیمانگەكانی سنوری پێنجوێندا دابەشكرا. 
مامۆستا بارام محەمەد بەڕێوەبەری پەروەردەی پێنجوێن  بە PUKmediaی  رایگەیاند: هاوكارییەكانی بافڵ تاڵەبانی گەیشتوەتە دەست پەروەردەی پێنجوێن و دوو رۆژە ئەو هاوكارییە بەسەر خوێندنگاكاندا دابەشدەكرێت كە بریتی بوو لەسوتەمەنی. 
وتیشی: هاتنی ئەو بڕە سوتەمەنیە بۆ ناوەندەكانی خوێندن لەمكاتەدا زۆر گرنگ‌، چونكە تائێستا حكومەت سوتەمەنی بۆ ناوەندەكانی خوێندن دابین نەكردوە.
PUKmedia عەبدوڵڵا غەریب – پێنجوێن