هەرێم.. خوێندنی باڵا داوای داتای خوێندکاران دەکات

خوێندنی باڵا داوای داتای خوێندکاران لە زانکۆ و پەیمانگاکانی هەرێم دەکات بەمەبەستی خەرجکردنی دەرماڵەی خوێندکاران.

لە نوسراوێکدا وەزارەتى خوێندنى باڵا کە ئاڕاستەی زانکۆکان کراوەو کۆپیەکی دەست PUKmedia کەوتوە هاتوە: دواى تەرخانکردن و خەرجکردنى پاڵپشتییەکى دارایى بۆ وەزارەتى خوێندنى باڵا و توێژینەوەى زانستى وەک پێشینەى مانگانە بەبڕى (٧,٢٥٠,٠٠٠,٠٠٠) حەوت ملیار و دوسەدو پەنجا ملیۆن دینار بۆ پاڵپشتى قوتابیان و خوێندکاران و چارەسەرکردنى گرفتى بەشە ناوخۆییەکان و دابینکردنى خزمەتگوزارى، داوا لە زانکۆکانی هەرێم دەکەین داتای خوێندکاران بنێرن.

لە نوسراوێکەدا وەزارەتی خوێندنی باڵا داوا لەسەرجەم زانکۆکانى کوردستان دەکات تاکو ڕۆژى سێشەمە ڕێکەوتى (٢٠٢١/١٢/١٤) ئامارى وردبینیکراوى سەرجەم قۆناغەکانى خوێندنى خوێندکاران و قوتابیانى ناوەو و دەرەوەى شارەکان بە جیا کە بە زانکۆلاین وەرگیراون بۆمان بنێرن تاکو کارى پێویستى لەسەر بکرێت.

PUKmedia تایبەت