بۆیه‌كه‌مجار كچێك ئیشی چاككردنی مۆبایل ده‌كات

ئه‌و كچا ب سالان خه‌ون و ئاره‌زوو ژبو كاره‌كێ ددیتن پشتی ھه‌ول و ماندیبونه‌كا زور شیا بگه‌ھیته‌ وێ ئارمانجێ و پروژێن مه‌زنتر دمێشكێ خوه‌دا ھه‌لگرتینه‌ ژبو داھاتێ بشێن سه‌رنجا خه‌لكێ ھه‌میێ بخوه‌ رابكێشیت.
ڤه‌ھین جه‌حعفر ئێكه‌م كچه‌ ل سه‌ر ئاستێ پارێزگه‌ھا دھۆكێ كاریه‌ ب ده‌ست و تلێن خوه‌ كاری بخوه‌ په‌یدابكه‌ت و جودا ژ ھه‌ر كاره‌كێ دی كو كچ بكه‌ت به‌لكو ئه‌وێ كارێ چاره‌كرنا موبایلێن ژ كاركه‌فتی ده‌ست پێكریه‌ و روژانه‌ چه‌ندان موبایلان دروست دكه‌ته‌ڤه‌ سه‌رباری ڤێ یه‌كێ ئه‌و شیا ئه‌پلكه‌یشنه‌كێ ترافیكی یێ سه‌ركه‌فتی دروست بكه‌ت دڤێ چاڤ پێكه‌تنێ دا دێ ڤه‌ھین به‌حسا ژیان و كارو ئارمانجا خوه‌ كه‌تن.

ئه‌ز ڤه‌هین جعفر ، ژ دایك بوویا سالا 1994 ل ناحیا بامه‌رنێ  ،، ده‌مێ من پولا دوازدێ  زانستی دوماهیك ئینای سالا 2014 بوو ب تێكرایا 64% ل وی ده‌می ناڤێ من بو كولیژا چاندن هات به‌شێ ئاخ و ئاڤ ، بهیچ ره‌نگه‌كی من حه‌ز سه‌ر نه‌بوو ئه‌ز بچم وێ كولیژێ ژبه‌ركو من گه‌له‌ك حه‌ز دكر من به‌شێ كومپیوته‌ر خلاس كربا به‌لێ چ كه‌س باوه‌ر ژ شیانێت من نه‌دكر ل وی ده‌می من دشیا بچم په‌یمانگه‌ها كومپیوته‌ر ب رێكا (تنازلێ) هه‌می كه‌س وكارێت من گوته‌من دێ چاوا كولیژێ ده‌یه‌ ب په‌یمانگه‌هـ هه‌میا بس هزرا ناڤێ كولیژێ و په‌یمانگه‌هـ كر به‌لێ كه‌سێ هزرا شیانێت من نه‌كر هه‌ر چاوابیت نه‌شیام بچم په‌یمانگه‌هـ مامه‌ كولیژێ بو ماوێ دوو سالا من كولیژا چاندنێ خاند ب هه‌ر حاله‌كێ هه‌بیت روژ چون و هاتن من هه‌ر هزر هندێ دا دكر روژه‌كێ كومپیوته‌ر خلاس بكه‌م ، هه‌ر سپێده‌هیه‌كا ئه‌ز رادبوم دا بچم كولیژێ من هزر دكر ئه‌ڤ كولیژه‌ یا هیڤیامن ژمن ستینیت ،

ڤه‌ھین خانێ ھێشتابه‌رده‌وامی دا گوتنێن خوه‌ و گوت: رۆژه‌كێ من بریار دا كو ئه‌ز ئیدی نه‌چم كولیژێ ئه‌گه‌ر خۆ چاوابیت خاندن پێلم یان بچم كومپیوته‌ر بخینم ،، گه‌له‌ك ده‌م پێڤه‌ چو هه‌تا شیایم شیانێت خۆ بوكه‌س و كارێت دیاڕ كه‌م ،، ل وی  ده‌می بتنێ كه‌سه‌ك هات بێ دوو دلی هاریكاریامن بكه‌ت و باوه‌ڕ ژی شیانێت من كر و بو پێشته‌ڤان و هه‌تا نوكه‌ ژی پێشته‌ڤانامنا سه‌ره‌كی هه‌می كاراندا ئه‌وه‌ ئه‌و ژی مه‌تامن چیمه‌ن بوو ،، پشتی بویه‌ پێشته‌ڤان ئێكسه‌ر ئه‌ز چوم من ناڤێ خو ل په‌یمانگه‌ها ئارارات یا ئه‌هلی به‌شێ كومپیوته‌ر نڤێسی ،، ل وی ده‌می ناڤێ من هاتی وێرێ من سوز دا ئه‌ز بو خرا دیار كه‌م كا شیانێت من چه‌ند بون و دیار كه‌م ژی كو ئه‌گه‌ر مروڤ جهه‌كی خو پلا پورڤیسوریێ بینته‌ده‌ر و شیان نه‌بن بوچیه‌ ئه‌و پله‌ ما ،، ب سه‌ركه‌فتیانه‌ من شیا هه‌ر دوو قوناغێت خاندنا خو خلاس كه‌م د وان ده‌ما دا هێدی هێدی هه‌می كه‌سا شیانێت من دیتن 

دبه‌رده‌وامیا گوتنێن خوه‌دا ڤه‌ھین خانێ گوت: پشتی ده‌رچوویم ژ په‌یمانگه‌هێ من گه‌له‌ك بزاڤ كرن ئه‌ز بخو كاره‌ك بكه‌م ژبه‌ر كو من دڤیا ئه‌وا چوی یامن دگه‌ل مال كری ب چونا كولیژێ و هه‌روه‌سا په‌یمانگه‌هێ قه‌ره‌بوكه‌م به‌لێ بێ مفا بوو چ كار بده‌ست من نه‌كه‌تن ، لده‌مێ ده‌رچوویم ژی من هه‌تا سێ جارا ژی  بزاڤ كرن ل ناحیا بامه‌رنێ خوله‌كا كومپیوته‌ر ڤه‌كه‌م و بێ به‌رامبه‌ر به‌لێ چ كه‌س نه‌بون پێشته‌ڤانیێ و هاریكاریێ دگه‌ل من بكه‌ن  و من داخاز ژی هه‌می كه‌سێن پێ چێ بویێت ناحیاخو كر به‌لێ بێ فایده‌ بوو كه‌س نه‌ بوهاریكار و پێشته‌ڤان كو بشێم خوله‌كا كومپیوته‌ر ڤه‌كه‌م ،، پاش ناڤێ من هات ل قوتابخانه‌ك بامه‌رنێ وه‌ك وانه‌بێژ وانا بێژم هه‌تا سال ده‌رباز بوی به‌رده‌وام بو سه‌ر وانه‌گوتنێ هه‌ر چه‌ند پارێت وانه‌بێژیێ  كێم  بون ژی به‌لێ من هه‌می پارێت خودانانه‌ سه‌رئێك هه‌ر گاڤا هات بان چنكو من ئه‌ڤ هزره‌ هه‌بوو ئه‌ز بخو دكانه‌ك ڤه‌كه‌م و لدوماهیكێ من ڤه‌كر ، پشتی خاندنا په‌یمانگه‌هـێ  هه‌روه‌سا چه‌ندین كورسێن ئونلاین من خاندنینه‌  ژبلی باوه‌ڕناما په‌یمانگه‌هێ هه‌تا نوكه‌ من ژ كورسێن ئونلاین 27 باوه‌رنامێت وه‌رگرتین دبوارێت كومپیۆته‌ر و پروگرامینكێ دا 

سه‌باره‌ت ھزرا كاری دبێژیت: پشتی من دیتی ئه‌ز باش فێربویمه‌ من هزر كر بخو دكانه‌ك ڤه‌كه‌م و بده‌ستێت خو من ڤه‌كر هیچ رێكخراوه‌ك یان چ كه‌سا پێشته‌ڤانی و هاریكاری بومن نه‌كریه‌ من بده‌ستێت خۆ خه‌وناخو یا كریه‌ راستی  و پشتی مالامن زانی ژی شیانێت من گه‌له‌كن ئه‌ڤ جاره‌ نه‌ بونه‌ رێگر شتی كولیژێ ئه‌ڤ جاره‌ گه‌له‌ك هاریكار بون هه‌روه‌سا بمن سه‌ر بلند بون ژی گه‌له‌ك سه‌ر هندێ كو كو بخو دكانه‌ك ڤه‌كه‌م ناحیا بامه‌رنێ و هێدی هێدی من ڤه‌كر و روژ بو روژ من كارێ خو باشتر و چێتر لێ كر دكانا من ب ناڤێ ( ڤهین تیچ) یا ئێكسسواڕت موبایل و كومپیوته‌ر هه‌روه‌سا (تێلیح ) كرنا مۆبایلا و كومپیوته‌را پێتڤیێن قوتابخانێ و دام ده‌زگه‌هێن حكومی هه‌می جورێن چاپكرنێ و هه‌روه‌سا وێنێت معاملا ژی دگرم فروتناهه‌می سیم كارتا.

ڤه‌ھین جعفر ئه‌و كچا شیایی بگه‌ھیته‌ ڤێ رێكێ به‌حسا كارێ خوه‌ دكه‌ت گوتی ئه‌ز ئێكه‌م كجم د پارێزگه‌ها دهوكێ دا كارێ (تێلیح) كرنا موبایلان بكه‌م هه‌روه‌سا دكانه‌ك هوسا برێڤه‌به‌ت ،، نه‌ تشته‌كێ ب ساناهیه‌ ئێك كه‌س ڤان هه‌ما كارا دئێك جهـ ڤه‌ ئه‌نجام بده‌ت و ئێك ده‌م دا و كج بیت به‌لێ ئه‌گه‌ر مروڤ خه‌ونه‌ك هه‌بیت چه‌ند زه‌حمه‌ت و نه‌خوشی و وه‌ستاین هه‌بن ته‌ هایشێ نینه‌ چنكو تو یێ گه‌هشتیه‌ وی تشتی ئه‌وێ ته‌دڤێت ئه‌كید دێ هه‌می تشت هێن رێكا مرۆڤ لازم یێ ب هێز بیت هه‌می كاوداناندا دا بشێت پێنگاڤێت باشتر پاڤێژیت هیڤیامنه‌ بشێم هێشتا كارێت باشتر بو خه‌لكێ ده‌ڤه‌رێ بكه‌م خزمه‌تا هه‌ر كه‌سه‌ك دابم و جهێ باوه‌ریا وان بم و دوماهیكێ دێ بێژم هه‌ر كه‌سه‌كێ خه‌ونه‌ك هه‌بیت ب دله‌كێ ساڤی و ژدل كار بكه‌ت و شه‌ربكه‌ت بو خه‌وناخو دێ گه‌هیت ئارمانجاخۆ ب ئانه‌هیا خودێ.

PUKmedia ئانا دیدار