بۆشایی ئهمنی و.. بۆشایی تریش
بیروڕا 03:46 PM - 2021-12-04
ستران عهبدوڵڵا
ههر بۆشایی ئهمنی نێوان پێشمهرگه و سوپای عیراق نییه كه پێویسته پڕ بكرێتهوه.
بۆشایی ئهمنی، هی سیاسی، كۆمهڵایهتی و فهرههنگی تریش ههن كه پێویست پڕ بكرێنهوه.
بۆشایی ئهمنی نێوان هێزی پێشمهرگه لهگهڵ سوپای عیراق بۆشاییهكی زهق و بهرچاوه لهنێوان ههرێمی كوردستان و حكومهتی عیراق كه دیوه ئهمنی و سهربازییهكهی داعش و تیرۆریستان درزی تێدهكهن و بهكاری دێنن و رۆژانه چالاكی تیرۆریستی لێوه ئهنجام دهدهن. ههڵبهته ئهوانهی پێیان خۆشه ئهم درزه بمێنێ و پڕ نهكرێتهوه زۆرن كه دنهی فراوانكردنی دهدهن و هانی وهك خۆی مانهوهی پهیوهندییه سیاسییه خراپهكهی نێوان دهدهن تا لهسهر زهمینی واقیعی سهربازی و ئهمنی رهنگ بداتهوه، پشێوی و شپرزهیی دروست بكا كه خوێن و فرمێسكی سهرباری لێ دهكهوێتهوه.
ئهم بۆشاییه زهقه به بهرچاومانهوه. دهنا بۆشایی تریش زۆرن كه خۆیان مهڵاس داوه و له رووداو و بهسهرهاتهكاندا خۆیان دهردهخهن و دهبنه بهڵا.
بۆشایی ئهمنی، سیاسی، فهرههنگی و كۆمهڵایهتی تر وا كه هیچیان لهوی نێوان ههولێر و بهغدا كهمتر نییه كه داعشی بهدناو، ههر ئهو ناوی بهده دهنا رهفتار داعشی تریش زۆرن، به كاری دێنێ. بگره بۆشایی نێوان و نێوان خهریكه دهبێته لۆگۆیهكی جێگیر لهجێی ئهوهی دیاردهیهكی تێپهڕ بێت. بۆچی ئێمه پێمان وایه بۆشایی لهنێوان ههولێر و سلێمانی، نێوان یهكێتی و پارتی، حزبهكان لهنێوان یهكتری، حوكمڕان و ئۆپۆزسیۆن نییه كه هێشتاش پڕ نهكراوهتهوه؟
بۆشایی وا كه نه رێكهوتنه كۆنكرێتییهكان پڕیان كردۆتهوه، نه دهرس و پهندهكانی رابردوو و نه چانسهكانی داهاتوو دهتوانن بههانایهوه بێن.
بۆشایی وا كه عورفی كوردانه، عورفی سیاسی و جهنتڵمانیش دهرهقهتی نایهن.
بۆشایی زۆرن، بۆشایی نێوان شارهكان و ناوهندی پارێزگاكانی كوردستان لهرووی گهشه و نهشه، لهرووی ئاستی كۆمهڵایهتی و فهرههنگییهوه. بۆشایی چینایهتی زهق و رهق و تهق كه وێنهی نییه له ململانێی كۆمهڵایهتی و چینایهتی شهرق و غهربدا كه ئاشتی كۆمهڵایهتی خستۆته بهردهم ههڕهشه. بۆشایی نێوان نهوهكانی كوردهواری كه دهڵێی به زمانی ژاپۆنی لهگهڵ یهك دهدوێن و وهرگێری خائین قسهكانیان دهگوازێتهوه.
بۆشایی نێوان ژن و مێرد، نێوان كوڕ و كچانی كوردهواری كه سهدان مۆدێل و بهدحاڵی بوون و بهدگۆیی تێكی داون، سهدان داعشی كۆمهڵایهتی و خێڵی دوژمن و خێڵی درۆ دهوری داون.
بۆشایی نێوان میدیای رهسمی و بهرپرس و رهوتی سۆشیال میدیای سهرههڵداو و گهشهكردوو كه خراپ و باشیان تێدایه و پێمان لێك جیا ناكرێتهوه.
بۆشایی زۆرن، ههر بۆشایی نێوان پێشمهرگه و سوپا نییه. بۆشایی وا لهسهر سنووری بیلاروسیا كه نازانین كێ كۆچبهری ههژاری و بێ دهرهتانییه و كێش ناجسن و ناڕهسهنه كه لهبهردهم دیكتاتۆری بیلاروسیا مهدحی دیكتاتۆری بیلامانای بهعس دهكات.
بۆشایی تر زۆرن، كه دهمگوت تۆی خوێنهریش هی تری لێ زیاد بكه. بهس به كۆمێنتی زۆری نهشیاودا دهزانم پهیوهندی نووسهر و خوێنهریش وا تێكچووه سهد داعش تهراتێنی تێدا دهكات و سهد كۆمێنتچن و دهستچن و لوغمچێنی دهمامكدار ژینگهكهی ئالوده و پیس كردووه.
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 107 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25