نەهامەتیەکانی ژنی کورد لە کورتە فیلمێکی کوردساتدا

دەزگای میدیایی کوردستان کورتە فلمی میرۆرس ( ئاوێنەکان) لە نوسین و دەرهێنانی سۆنیا جەلیل زەنگەنە بەرهەمدەهێنێت.

سۆنیای دەرهێنەر بە PUKmedia ی ڕاگەیاند: فیلمی میرۆرس  لەلایەن دەزگای میدیایی کورساتەوە بەرهەمهێنراوە بەئامانجی ئەوەی کە بتوانین بەشێک لە نەهامەتیەکانی ژنی کورد  بخەینەڕو لەگەڵ ئەوەشدا یەکێک بێت لەو چالاکیانەی لە 16 ڕۆژەی بەرەنگاربونەوەی توندو تیژی دژی ژناندا ئێمە پیشانی بدەین بەم کارە بەشێک بین لەوژنانەی ستەمیان لێکراوەو لەهەمان کاتیشدا بە ژنان و کچان بڵێین کە هێڵێک هەیە کە 119 یە هەرکاتێک ڕووبەڕوی توندوتیژی جەستەییو دەرونی بونەوە ئەتوانن پەیوەندی بکەن بەو هێڵەوە.

سۆنیا زەنگەنە وتیشی: ئەم فیلمە لەلایەن نەجیب تاهیر وێنە گیراوەو کاری مۆنتاچ و کەلەرینیشی لەلایەن کۆژین نەوزادەوە بۆ کراوە هەریەکە لە ڕۆزا جەمال غەمبار و سیروان عەبدولکەریم کاری نواندنیان بۆ کردووە و بەڕێوەبەرایەتی بەرەنگار بونەوەی توندو تیژیش هاوکارمان بون لەم کارەدا، کاری ساوند دیزاینی لەلایەن سورێن ناتق-ەوە بۆ کراوە، کاری دەنگی لەلایەن بابان سۆرانەوە بۆ کراوەو کاری ڕوناکیش لەلایەن ئاکار سابیرو ڕێکان  جەوهەرە.

باک ستەیجی کارەکەش لەلایەن ئارۆ نەجیبەوە ئەنجامدراوە

ئەم فلمە شەو هەینی سەعات 9 و 40 دەقیقە لە سەرشاشەی کوردسات پەخش دەکرێت.

PUKmedia کۆچەر عومەر