كچه‌ فڕۆكه‌وانێكی كورد ژیانی ده‌یان كه‌س رزگار ده‌كات

ھێڵی ئاسمانی عیراق سوپاسی كچه‌ فڕۆكه‌وانێكی كورد ده‌كات
كچه‌ كوردێكی خه‌ڵكی شاری سلێمانی كه‌ فڕۆكه‌وانه‌، گیانی سه‌رنشینه‌كانی فڕۆكه‌كه‌ی رزگاركرد.

عه‌باس عومران به‌ڕێوه‌به‌ری ھێڵی ئاسمانی عیراق سوپاسی تیمی گه‌شتی ژماره‌ (IA223) كه‌ فڕۆكه‌ی جۆری (B737-800/YIASJ)  له‌ فڕۆكه‌خانه‌ی به‌غداوه‌ بۆ فڕۆكه‌خانه‌ی ئیستانبوڵ ئه‌نجامیداوه‌.

ئه‌م فڕۆكه‌ نه‌فه‌رھه‌ڵگره‌ له‌ كاتی گه‌شته‌كه‌یدا روبه‌ڕووی گێژه‌ڵوكه‌یه‌ك بوه‌ته‌وه‌، به‌ڵام تاقمی فڕۆكه‌ كه‌ توانیویانه‌ به‌ سه‌لامه‌تی سه‌رنشینه‌كان رزگار بكه‌ن.

كاپتنی فڕۆكه‌كه‌ پیاوێك بووه‌ به‌ ناوی (كه‌مال عه‌باسی)، یاریده‌ده‌ره‌كه‌شی كچه‌ كوردێكی خه‌ڵكی شاری سلێمانی بووه‌ به‌ ناوی (وه‌رتێ به‌كر حاجی عه‌لی)، كه‌ برازای قادری حاجی عه‌لی و ھونه‌رمه‌ند حه‌مه‌ جه‌زایه‌.

به‌ڕێوه‌به‌ری ھێڵی فڕۆكه‌وانی عیراق، (كه‌مال عه‌باس)و (وه‌رتێ به‌كر) وه‌كو دوو فڕۆكه‌وانی به‌ئه‌زموون ناوده‌بات كه‌ دوای نزیكه‌ی سه‌عاتێك و 30 خوله‌ك فڕین به‌ ئاسمانی شاری ئیستانبوڵدا، توانیویانه‌، سه‌رنشینه‌كان به‌سه‌لامه‌تی بگه‌یه‌ننه‌ سه‌ر زه‌وی.
PUKmedia