كۆیه‌.. چالاكییه‌كانی هه‌ڵمه‌تی به‌ره‌نگاربونه‌وه‌ی توندوتیژی دژی ژنان به‌رده‌وامه‌

ناوه‌ڕۆكی سمینارو ڕێنماییه‌كان بۆ ئه‌م ساڵ خراپ به‌كارهێنانی ئامێره‌كانی په‌یوه‌ندی و تۆڕه‌ كۆمه‌ڵایه‌تییه‌كانه‌، نوسینگه‌ی به‌ره‌نگاربوونه‌وه‌ی توندوتیژی دژی خێزان و ژنان كۆیه‌ له‌م هه‌ڵمه‌ته‌ ناوه‌نده‌كانی خوێندنی هه‌ڵبژاردوه‌ تا له‌و ڕێگه‌یه‌وه‌ هۆشیاری زیاتر به‌ خوێندكاران بدرێت.

دانا حاجی لێپرسراوی نوسینگه‌ی به‌ره‌نگاربونه‌وه‌ی توندوتیژی دژی ژنان و خێزان له‌ كۆیه‌ به‌ PUKmedia ی ڕاگه‌یاند: به‌راورد به‌ساڵانی ڕابردو رووداوه‌كانی توندوتیژی خێزانی و تاك له‌ شاری كۆیه‌ زیادیكردوه‌، كاروچالاكی نوسینگه‌ی به‌ره‌نگاربوونه‌وه‌ی تووندوتیژی خێزان له‌ چه‌ند خوێندگایه‌كی كۆیه‌ له‌ڕێگه‌ی سیمینار بۆ خوێندكاران كورته‌ فیلم سه‌باره‌ت به‌ توندوتیژی دژی خێزان و چۆنێتی چاره‌سه‌ر كردنیان خراپ به‌ كار هێنانی ئامێره‌كانی په‌یوه‌ندی نمایش ده‌كه‌ن و پرۆشه‌رو ڕێنمایی پێویستیشیان به‌سه‌ردا دابه‌ش ده‌كه‌ن. 

له‌ شاری كۆیه‌ چه‌ندین ڕێكخراوی تایبه‌ت به‌ مافه‌كانی ژنان و خێزان بونیان هه‌یه‌،  به‌ڵام وه‌ك پێویست له‌ نێو كۆمه‌ڵگا كاروچالاكییه‌كانیان به‌دی ناكرێت و چالاكوانانیش قه‌یرانی دارایی و بڵاوبونه‌وه‌ی كۆڕۆنا به‌ پاساو ده‌زانن.

PUKmedia كاروان نازم/ كۆیه‌