پێكێ یادەوەری تۆم بەسە چاپ و بڵاودەكرێتەوە

 ڕێكخراوی میدیا مەراسیمێك بۆ ناساندن و بڵاوكردنەوەی دیوانی شیعری " پێكێ یادەوەری تۆم بەسە" بۆ نووسەر و شاعیر جوتیار قادر كەریم  ڕێكدەخات. 

مەراسیمەكە سەعات 3 ی پاشنیوەڕۆی ڕۆژی دووشەممە 29-11-2021 لە هۆڵی خاك بەرامبەر بە ماركێتی زارا لە شاری سلێمانی بەڕێوەدەچێت.

جوتیار قادر كەریم ساڵی 1968 لە قەزای مەخمور لەدایكبووە و ساڵی 1988 پەیمانگای مامۆستایانی لەشاری هەولێر تەواو كردووە و ساڵی 2005 بەشی ڕاگەیاندنی كۆلیژی زانستە مرۆڤایەتییەكانی لە زانكۆی سلێمانی تەواو كردووە. 

جوتیار قادر كەریم لە هەشتاكانی سەدەی ڕابردووە شیعر دەنووسێت و یەكەمین دیوانی خۆی بە ناوی پایزەكەم لەساڵی 2019 چاپ و بڵاوكردۆتەوە و دووەمین دیوانی خۆی بەناوی پێكێ یادەوەری تۆم بەسە لە 2021 بڵاو دەكاتەوە. 
PUKmedia