لە هەرێم چل ژنی دیكە كوژراون

ئەمڕۆ 25نۆڤەمبەری 2021، لەشاری سلێمانی چالاكییەكانی 16 رۆژەی بەرەنگاربوونەوەی توندوتیژی دژی ژنان دەستێپێكرد، بەپێی ئامارەكانیش توندوتیژی دژی ژنان رووی لە بەرزبوونەوە كردووە و لەماوەی 10مانگی ئەمساڵدا 40 ژن كوژراون.

شۆخان حەمە رەشید پارێزەری راوێژكاری بە PUKmedia راگەیاند: لە ئەمڕۆوە چالاكییەكانی بەرنگاربوونەوەی توندوتیژی دژی ژنان دەستپێدەكات و  ماوەی 16 رۆژ بەردەوام دەبێت.

وتیشی: ئامانجمانە لەڕێی چالاكییەكانەوە كاربكرێت تاوەكو حاڵەتەكانی توندوتریژ دژی ژنان كەم بكرێنەوە، لەكاتێكدا ساڵانە ئامارەكانی روو لە بەرزبوونەوە دەكەن.

شۆخان ئاماژەی بۆ ئەوەشكرد: لەماوەی 10مانگی رابردوو لە هەرێمی كوردستان 40 ژن كوژراون، بەڵام ئەو ئامارە تۆماركراون چەندین حاڵەتی كوشتنیش هەیە تۆمار نەكراوە، هیواشی خواست كار بكرێت بۆ رێگریكردن لەتەشەنە سەندنی حاڵەتەكانی توندوتیژی دژی ژنان.

PUKmedia جەمال سەرگەتی
فۆتۆ.. شاد ئیبراهیم