نوێنەری یەكێتی لەگەڵ كونسوڵی هۆڵەندا چەند پرسێك تاووتوێ دەكەن

بەختیار بەكر نوێنەری یەكێتیی نیشتمانیی كوردستان لەھۆڵەندا لە ئۆفیسی كونسوڵخانەی ھۆڵەندا لەشاریھەولێر لەگەڵ ھانس ئەكەربەوم كونسوڵی گشتی ھۆڵەنداو ساید ھەقیمی راوێژكار سیاسی و ستافی دیبلۆماسی كونسوڵخانەی شانشینی ھۆڵەندا لە ھەرێمی كوردستان كۆبوویەوە.  
لەدیدارێكدا كە دوێنێی 17ی 11ی 2021 بەڕێوەچوو، باس لەپەیوەندییەكان و كار و پڕۆژەی ھەمەلایەنەی ھاوئامانج كراو ھاوكات ھەڵوەستە لەسەر بارودۆخی سیاسی، كۆمەڵایەتی و ئابووری ناوچەكە بەگشتی كران، ھەردوولا پێداگرییان كرد لەسەر گرنگی ئارامی و سەقامگیری لە عیراق و ھەرێمی كوردستان.
 لەتەوەرێكی تردا نوێنەری یەكێتی باسی چەند پڕۆژەیەكی بۆ كونسوڵی گشتی ھۆڵەندا لە ھەرێمی كوردستان كرد و داوا كرد ھاوكار و پشتیوانی بن لەپێناو ئامانج و بەرژەوەندی ھاوبەش كە دواجار  خزمەت بەگەشەپێدانی توانا مرۆیییەكان دەگەیەنێت و دەبێتە مایەیپێشەوەچوونی ناوچەكە بەشێوەیەكی گشتی. لەبەرامبەردار ستافی دیبلۆماسی ھۆڵەندا لە ھەولێر، بەڵێنیاندا ھاوكار بن و كارئاسانی بكەن.
لەكۆتایی دیدارەكە، ھانس ئەكەربەوم، بە وردی باسی لە كار و پڕۆژە و خزمەتگوزارییەكانی كونسوڵخانەكەی بۆ میوانەكەی كرد، نوێنەرەكەی یەكێتییش سوپاسی كونسوڵی ھۆڵەندای كرد بۆ ئەو پێشوازیە لێیان كردوە.
بەختیار بەكر رایگەیاند: پێویستە لە بەرامبەر سەرجەم پڕۆژەو كار و ھاوكارییەكانی ھۆڵەندا كە لەھەرێمی كوردستان ئەنجام دەدرێن سوپاستان بكەین كە ھیچ كات لە بەرپرسیاریەتی دوور نەكەوتوونەتەوەو ھەمیشە خاوەن ھەڵوێستی جوان بوون بەرانبەر بە گەلەكەمان.
 PUKmedia