قشله‌ی ئاكرێ نوێدەكرێتەوە

رێڤه‌به‌رێ شوینوارو كه‌له‌پورێن پارێزگه‌ھا دھۆكێ راگه‌ھاند كو ره‌زامه‌ندیا بودجا قشلا ئاكرێ ژلایێ وه‌زاره‌تا شاره‌وانی و گه‌شت و گوزار هاتیه‌ دان.

د. بێكه‌س بریفكانی رێڤه‌به‌رێ شوینوار وكه‌له‌پورێن پارێزگه‌ها دهوكێ ب PUKmedia راگه‌ھاند. ده‌ست ب كاربونا نیژه‌نكرنێ ل قشلا ئاكرێ ھاته‌كرن و كارێ نیژه‌نكرنێ ب شێوه‌كێ راسته‌و خو دێهێته‌ ئه‌نجام دان ب سه‌رپه‌رشتیا شوینوارناس و ئه‌ندازیار ل سه‌ر هه‌مان شێوازێ كو ل سه‌ر هاتیه‌ دروست كرن ب هه‌مان كه‌رسته‌ و ئه‌ندازه‌ بو پاراستا بیناسازیا وێ یا كه‌ڤنار.

رێڤه‌به‌رێ شینوارێن دھۆك گوتژی: نوكه‌ كارێ ئاماده‌كرنا كسلێ تێته‌ كرن ب شێوێ كه‌لتوری یێ كه‌ڤن ب سه‌ر په‌رشتیا رێڤه‌به‌ریا شوێنوار وكه‌له‌پورێن دهوكێ. ئێتوینا كسلێ ل ده‌ڤه‌را ئامێدیێ تێته‌ ئاماده‌كرن و سوتن، كوركا ئێتوینا كسلێ دوو مه‌ترا دهێته‌ كولان وبه‌ره‌كێ تایبه‌ت دهێته‌ ب كارئینان پتری ٤٠ ده‌مژمێران دهێته‌ سوتن و پاشان بو ماوێ 10-15 روژان دهێته‌ ساركرن و ئاماده‌ دبیت بو بكارئینانێ.

 PUKmedia ئانا دیدار