قوباد تاڵهبانی: یهكێتی ژنان سێ دهیهی رابردوو پێشهنگ بووه
کوردستان 05:02 PM - 2021-11-03
جێگری سهرۆكی حكومهتی ههرێمی كوردستان پیرۆزبایی یادی دامهزراندنی یهكێتی ژنانی كوردستان دهكات و دهڵێت سێ دهیهی رابردوو رۆڵی گرنگی بینیوه له وشیاركردنهوهی ژنان.
بەڕێزان ئەندامانی یەکێتی ژنانی کوردستان
٣٢ ساڵ لەمەوبەر لە هەناوی شۆڕشی نوێی گەلەکەماندا و لە شاری سەقزی رۆژهەڵاتی کوردستان کۆمەڵێک لە ژنانی ئازا و روناکبیر و خەباتکاری ناو ریزەکانی یەکێتیی نیشتمانیی کوردستان، هەنگاوێکی گەورەیان نا و یەکێتی ژنانی کوردستانیان دامەزراند.
یەکێتی ژنان لەماوەی سێ دەیەی رابردوودا ڕۆڵی گرنگی بینیوە لە وشیارکردنەوەی ژنانی کوردستان بەرامبەر بە مافەکانیان و پێشەنگ بووە لە رێکخستنی تواناکانی ژنان لەپێناو بەدیهێنانی یەکسانی جێندەری لە کوردستان و لەم سۆنگەیەشەوە رێز و پێزانینی تەواومان هەیە بۆ هەوڵ و ماندووبوونی یەک بە یەکی ئەندامانی یەکێتی ژنان.
لە ئێستادا کە یادی ٣٢ ساڵەی دامەزراندنی ڕێکخراوەکەتان دەکەینەوە، وێڕای ئەوەی پیرۆزبایی ئەم یادەتان لێ دەکەین، هیوادارین بە خۆڕێکخستنەوەتان و گوڕوتین بەخشین بە هەوڵ و چالاکییەکانتان بتوانن لە ئاستی ئەم قۆناغە نوێیەی گۆڕانکارییە کۆمەڵایەتییەکان بن لە کۆمەڵگەی کوردستاندا.
سەرباری هەوڵ و خەباتی یەکێتی ژنان و هەموو چالاکوانانی بواری مافەکانی ژنان بۆ بەدیهێنانی یەکسانی جێندەری، بەداخەوە هێشتا پێشێلکاری بەرامبەر بە مافە بنەڕەتییەکانی ژنان بەردەوامە و رۆژانە گوێبیستی هەواڵی پێشێلکارییەکان دەبین. هەربۆیە ئەرکی ئێوە وەک یەکێتی ژنانی کوردستان لەم قۆناغەدا لە هەمووکات قورستترە و پێویستە لەگەڵ ڕێکخراوەکانی کۆمەڵگەی مەدەنی و چالاکوانانی دیکەی ژنان هەوڵەکانتان چڕتر بکەنەوە و هەماهەنگی زیاتر لەنێوان خۆتاندا دروست بکەن، بۆ کۆتاییهێنان بە هەرجۆرە پێشێلکارییەک بەرامبەر بە ژنان و ئێمەش لەم ڕووەوە بە تەواوی پشتیوان و هاوکارتان دەبین.
جارێکیتر یادی ٣٢ ساڵەی دامەزراندنی یەکێتی ژنانی کوردستان لە دەستەی دامەزرێنەران و ئەندامانی سکرتاریەت و سەرجەم ئەندامانی رێکخراوەکەتان پیرۆز دەکەین و هیوای سەرکەوتنی زیاترتان بۆ دەخوازین.
PUKmedia
هەواڵی زیاتر
-
٧٣ هەمین هەفتانەی دیجیتاڵی ئینگلیزی بڵاودەكرێتەوە
09:23 AM - 2024-05-12 -
لەسەر سێ سکاڵای تایبەت بە هەرێم دادگای فیدراڵی کۆدەبێتەوە
09:14 AM - 2024-05-12 -
سەرۆککۆمار: هاوکاری پتەوکردنی پەیوەندییەکانی نێوان هەرێم و عیراق دەبین
10:10 PM - 2024-05-11 -
شاڵاو کۆسرەت رەسوڵ سەردانی ژمارەیەک کەسایەتی دەکات
08:42 PM - 2024-05-11
ئەمانەش ببینە
سەرۆککۆمار: ئاسایشی خۆراک لە مەترسیدایە
11:05 AM - 2024-05-12
سەرۆک بافڵ: باوەڕمان بە هاوبەشی راستەقینە لەبەڕێوەبردنی وڵاتدا هەیە
05:59 PM - 2024-05-11
سکاڵایەک پڕۆسەی دیموکراسی پەکدەخات
02:32 PM - 2024-05-11
بەغدا مووچەی ئایار دابەشدەکات و هەولێر چاوەڕێی مووچەی نیسانە
11:38 AM - 2024-05-11
زۆرترین خوێنراو
-
شاڵاو کۆسرەت رەسوڵ بەشداری لە ژمارەیەک پرسەدا دەکات
پرسەنامە 07:07 PM - 2024-05-12 -
دادگای فیدراڵی سێ سكاڵاكەی هەرێمی دواخست
کوردستان 05:36 PM - 2024-05-12 -
سەرۆککۆمار: ئاسایشی خۆراک لە مەترسیدایە
کوردستان 11:05 AM - 2024-05-12 -
٧٣ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:23 AM - 2024-05-12 -
لەسەر سێ سکاڵای تایبەت بە هەرێم دادگای فیدراڵی کۆدەبێتەوە
کوردستان 09:14 AM - 2024-05-12 -
سەرۆککۆمار: هاوکاری پتەوکردنی پەیوەندییەکانی نێوان هەرێم و عیراق دەبین
عیراق 10:10 PM - 2024-05-11 -
شاڵاو کۆسرەت رەسوڵ سەردانی ژمارەیەک کەسایەتی دەکات
کوردستان 08:42 PM - 2024-05-11