سێ ده‌ستكه‌فتێن گرنگێن شینوار ھاتن راگه‌ھاندن

رێڤه‌به‌ریا شوینوارێن دهوكێ ب هه‌ڤپشكی دگه‌ل زانكویا ئودینی یا ئیتالی ئه‌نجامێن هه‌لكولینێن شوینواری یێن ئه‌ڤ ساله‌ راگه‌هاندن د ئه‌نجامدا سێ جهێن شوینواری بون

دكتور بێكه‌س بریڤكانی رێڤه‌به‌رێ شینوارێن دھۆكێ دكونگره‌یه‌كێ روژنامه‌ڤانی دا راگه‌ھاند، ئه‌ڤه‌ ده‌ستكه‌فته‌كا مه‌زنه‌ بو هه‌رێما كوردستانێ ب تایبه‌تی بو پارێزگه‌ها دهوكێ ل وان ئه‌نجامان ڤه‌تیتنا دوو نه‌خشێن نی یێن نكراندی بون ل سه‌ر جویا فه‌یدیێ كو جو ب درێژاهیا ٩ كم هاتبو دروست كرن 

رێڤه‌به‌رێ شینواران گوتژی: هه‌ر وه‌سا گه‌هشتن ب سه‌رێ جویێ ل گه‌لیێ بیركا و ل ئه‌نجام دا بونه‌ ١٢ نه‌خشێن نكراندی یێن هاتبونه‌ نكراندن ل درێژیا جوكێ كو بو به‌ری ٢٧٠٠ سالان دزڤرن بو سه‌رده‌مێ پاشا سه‌نحاریب ونوكه‌ تێنه‌ ئه‌ژمارتن ئێك ل مه‌زنترین ده‌ستكه‌فت ل ٢٠٠ سالێن بوریدا. 

ناڤھاتی زێده‌تر زه‌لالكر هه‌ر وه‌سا ل ئه‌نجامێن ڤان هه‌لكولینان ڤه‌دیتنا (قنگره‌) عباره‌ ل شیڤ ئاشا نێزیك خه‌نه‌س كو هاتبو ب كارئینان بو ده‌ربازبونا ئاڤێ و گه‌هشتن ب پایته‌ختێ ئیمپراتوریه‌تا ئاشوریان نه‌ینه‌وا و هه‌ر وه‌سا ڤه‌دیتنا مه‌زنترین گارگه‌ها دروست كرنا شه‌رابی ل روژهه‌لاتا ناڤه‌راست ویا دوویێ ل جیهانێ.. رێڤه‌به‌ریا شوینوارێن دهوكێ سوپاسیا وان هه‌می كه‌سان دكه‌ت یێن هاریكار بون بو ده‌ست ڤه‌ ئینانا ڤێ ده‌ست كه‌فتا مه‌زن ب تایبه‌تی فه‌رمانبه‌رێن رێڤه‌به‌ریێ و هه‌روه‌سا تیمێ زانكویا ئودینی و پارێزگه‌ها دهوكێ و رێڤه‌به‌ریا گشتی یا شوینواران و وه‌زاره‌تا شاره‌وانی و گه‌شت و گوزار .

PUKmedia  ئانا دیدار