گوڵاڵە پێنجوێنی: بۆ پێشمەرگە و عەشق دەنووسم

 بەیان كەریم مەحمود، ناسراو بە گوڵاڵە پێنجوێنی لە ساڵی 1970 لەگەڕەكی بەركێوی پێنجوێن لەدایك بووە و ماوەی چەند ساڵێكە شیعر دەنووسێت و بەشداری چەندین چالاكی ئەدەبی كردووە، جگە لە شیعر حەزو خولیایەكی زۆری بۆ كاری نواندن هەیە لەم دیدارەی PUKmedia  دا باس لە ئەزموون و كارەكانی لەبواری شیعردا دەكات.

-سەرەتای نوسینی دەسپێكی شیعر لای تۆ دەگەڕێتەوە بۆ كەی؟
هەر لەمنداڵییەوە خولیای شیعر نووسینم هەبوە و جار جارە بۆ خۆم شتم ئەنووسی تا ساڵانی 2000 ئیتر زیاتر پەرەم بەنووسینی شیعر دا بەڵام بەنهێنی دواتر ترسی كۆمەڵگا وایكرد شیعرەكانم بفەوتێ و نەمێنێت تا ساڵی 2010 جارێكی تر دەستم كردەوە بەنووسین، لە ساڵی 2013 بە نهێنی لە تۆڕە كۆمەڵایەتییەكان شیعرەكانم بڵاو دەكردەوە و لە 2016 بە ئاشكرا شیعرەكانم لە فەیسبووك بڵاوكردەوە .

-گوڵاڵە شیعر بۆكێ دەنوسیت؟
بۆ پێشمەرگە و خۆشەویستی و عەشق بۆ نەهامەیتیەكان و رووداو و بەسەرهاتە ناخۆش وخۆشییەكانی ژیانی خۆم و مرۆڤەكان.

-چۆن دەڕوانیتە دونیای شیعر لە ئێستادا؟
بەداخەوە لە ئێستادا شیعر بەهایەكی ئەوتۆی نەماوە خوێنەرمان كەم بۆتەوە و شیعریش شێوێنراوە.

-جگە لەشیعر حەز و خولیات بۆ چی بوارێكی تر هەیە؟
هەر لە منداڵیمەوە حەز و خولیای من كاری نواندن و ئەكتەری بووە بۆ ئەوەش كۆمەڵگاو خێزان رێگر بوون .

-بەشداری چەند كۆڕۆ فێستیڤاڵی ئەدەبیت كردووە؟
بەشداری چەندین كۆڕ و ڤیستیڤاڵم كردووە لەوانە ڤیستیڤاڵی پێنجوێن و سەیدسادق و نەورۆز و زۆر فێستیڤاڵی تریش.

-پرۆژەی نوێی شیعریت هەیە؟
جارێ هیچ پرۆژەیەكم لەبەردەستا نییە بەڵام، پشت بەخوا لەداهاتوودا پرۆژەم دەبێت.

PUKmedia  دیمانەی.. رێباز حەسەن كەڵهوڕیی