مامۆستایانی وانه‌بێژ چاوه‌ڕوانی بڕیاری حكومه‌تن

جارێكی تر مامۆستایانی وانه‌بێژ دێنه‌وه‌ سه‌ر شه‌قام و هه‌ڕه‌شه‌ی بایكۆتی ناو هۆڵه‌كانی خوێندن ده‌كه‌ن، بۆ ئه‌م مه‌به‌سته‌ PUKmedia گفتوگۆی كرد له‌گه‌ڵ مامۆستا كارۆخ عه‌بدوڵڵا، نوێنه‌ری مامۆستایانی وانه‌بێژ له‌هه‌رێم، مامۆستا كارۆخ وتی، ئێمه‌ی مامۆستایانی وانه‌بێژ پێویستین له‌كه‌رتی په‌روه‌رده‌ له‌ 20% كۆی میلاكاتی په‌روه‌رده‌ پێكدێنن، نزیكه‌ی 22 هه‌زار مامۆستای وانه‌بێژ له‌هه‌رێم له‌ناوه‌نده‌كانی خوێندن وانه‌ ده‌ڵێنه‌وه‌ هاوشانی هاوپیشه‌كانمان له‌ مامۆستایانی میلاك ڕۆڵمان هه‌یه‌، به‌ڵام مافمان نیه‌ له‌م ڕوانه‌وه‌ سوودمه‌ند نابین ( مۆڵه‌تی دایكایه‌تی، سوپاس و پێزاین ، ده‌ڕماڵه‌ ، خزمه‌تی ساڵی وانه‌بێژی ، مۆڵه‌تی نه‌خۆشی و خوێندن ، گواستنه‌وه‌ ... هتد ) .

وتیشی: ئه‌وه‌ی جێگای داخه‌ زیاتر له‌پێنج ساڵه‌ گفتوگۆ و یاداشت و سه‌ردانی وه‌زاره‌تی په‌روه‌رده‌ و دارایی و ئه‌نجومه‌نی وه‌زیران و په‌ڕله‌مانی كوردستان ده‌كه‌ین  تا ئێستا هیچ وه‌ڵامێكی یه‌كلاكه‌ره‌وه‌ نه‌دراوه‌ به‌ مامۆستایانی وانه‌بێژ له‌هیچ په‌روه‌رده‌یه‌ك جا چ له‌ له‌لایان حكومه‌تی ھه‌رێمه‌وه‌ بێت یان، له‌لایان وه‌زاره‌تی په‌روه‌رده‌ و داراییه‌وه‌  بێت ، ته‌نیا وه‌ڵامی وه‌زاره‌تی په‌روه‌رده‌ له‌ئێستادا چاوه‌ڕێی ئه‌م پڕۆژه‌و یاداشته‌یه‌ كه‌ وه‌زیری په‌روه‌رده‌ ئاڕاسته‌ی دیوانی ئه‌نجومه‌نی وه‌زیران كردبوو له‌ ئێستاشدا ماوه‌یه‌كی زۆره‌ لای وه‌زاره‌تی داراییه‌ به‌بێ هیچ ئه‌نجامێك ماوه‌ته‌وه‌.

ئاماژه‌ی بۆ ئه‌وه‌شكرد، سه‌ره‌ڕای ئه‌وه‌ی سه‌یری شایسته‌ی مامۆستایانی وانه‌بێژ بكه‌ی زۆر كه‌مه‌ به‌شی كرێی هاتوچۆی ناكات به‌تایبه‌ت ئه‌وانه‌ی له‌لادێ و شوێنه‌ دووره‌كان ده‌وام ده‌كه‌ن، له‌هه‌مان كاتدا هه‌میشه‌ شایسته‌كانمان له‌كاتی خۆیدا وه‌رناگرین و به‌دوو سێ مانگ جارێك شایسته‌كانمان وه‌رده‌گرن .

PUKmedia ئاماده‌كردنی: چنار عه‌زیز