هەركەسێك ڤاكسینی وەرنەگرتبێت بۆی نییە بەشداری زەماوەند بكات

جێگری بەڕێوەبەری زانكۆی پزیشكی كوردستان لەپارێزگای سنە ڕایدەگەیەنێت هەركەسێك بیەوێت بەشداری لە ئاهەنگی زەماوەند لە هۆڵەكاندا بكات دەبێت ڤاكسینی كۆرۆنای وەرگرتبێت و كارتی ڤاكسینی پێبێت، ئەگینا ڕێگەی پێنادرێت بەشداری ئاهەنگەكە بكەن.  

ئیبراهیم قادری ڕایگەیاند: لەئێستادا وەك جاران خەڵك ترسیان لەپەتای كۆرۆنا نەماوە و بێباكن و ئەمەش مەترسیدارە، هەر بۆیە هەر هۆڵێك بیەوێت ئاهەنگی زەماوەندی تێدا بەڕێوەبچێت، دەبێت بەشداری بەشداربوان سنووردار بێت و هەر كەسێك ڤاكسینی كۆرۆنای وەرنەگرتبێت بۆی نییە بەشداری ئاهەنگەكە بكات.

قادری وتیشی: لە شاری سنە 18 هۆڵی بۆنەكان هەیە كە هەموویان مۆڵەتی كاركردنیان هەیە و هەر هۆڵێك سەرپێچی بكات بە توندترین شێوە سزا دەدرێت و بەبەردەوامی چاودێری هۆڵەكان دەكرێت و ڕێگەنادرێت هیچ كەسێك بە وەرگرتنی ڤاكسین بەشداری بۆنەكان بكات. 

PUKmedia ئاژانسی ئیسنا