كۆیە.. خانی مەحمود ئاغا نوێدەكرێتەوە

خانی مەحمود ئاغا كە تەمەنی بە نزیكەیی  200 ساڵ دەبێتلە لایەن  رێكخراوێكی ئەڵمانییەوە نوێدەكرێتەوە.

لەوبارەیەوە تاریق حەیدەری قائیمقامی قەزای كۆیە بە PUKmedia  ی رایگەیاند: بە یاوەری بەڕێوەبەری شوێنەواری كۆیە و سەرۆكی شارەوانی، سەردانی خانی مەحمود ئاغامان كرد، مایەی خۆشحاڵییە دوای ھەوڵێكی زۆر توانرا لە لایەن رێكخراوی وادی ئەڵمانی و بەرسەرپەرشتی خانم ئانێ مۆڵین ھاوەر تونرا بودجەیەك تەرخان بكرێت بۆ نوێكردنەوەی ئەو شوێنەوارە گرنگەی شارەكەمان.

وتیشی: ئەو شوێنەوانە مێژووی ھەموو گەلی كوردە نەك بە تەنیا شارەكەمان، بۆی پێشوازی و پشتیوانی ھەر ھەوڵێك دەكەین بۆ پاراستنی شوێنەوارەكانی شارەكەمان.

PUKmedia كاروان نازم-كۆیە