ل باژێرێ دهوكێ پێشانگه‌ها نیف ده‌وله‌تی یا گه‌شت وگوزاری هاته‌ ڤه‌كرن

ب ئاماده‌بوونا ساسان عه‌ونی وه‌زیرێ باژێرڤان وگه‌شت وگوزاری  ل حكومه‌تا هه‌رێمێ ، وئه‌مل جه‌لال سه‌روكا ده‌سته‌یا گشتی یا گه‌شت وگوزارێ ل هه‌رێما كوردستانێ، وپارێزگه‌رێ دهوكێ وبه‌شداربوونا  130 كومپانێن گرێدای گه‌شت وگوزاری ل هه‌رێما كوردستانێ ،و ئیراقێ، و وه‌لاتێن ده‌وروبه‌ر پێشانگه‌ها نیفده‌وله‌تی یا گه‌شت وگوزاری ل پاركا نه‌وروز ل سه‌نته‌ڕێ باژێرێ دهوكێ هاته‌ ڤه‌كرن 

ئه‌مه‌ل جه‌لاڵ ، سه‌روكا ده‌سته‌یا گشتی یا گه‌شت وگوزارێ ل هه‌رێمێ راگه‌هاند: ئه‌ف پێشانگه‌هه‌ ده‌رگه‌هه‌كه‌ بو به‌ره‌ف پێشبرنا كه‌رتێ گه‌شت و گوزاری وگوتژی كو دێ به‌رده‌وام كاركه‌ین بو پێشئێخستا بیاڤێ گه‌شت وگوزاری ل هه‌رێما كوردستانێ , وتایبه‌ت پارێزگه‌ها دهوكێ  وئه‌ف پێشانگه‌ها نیف ده‌وله‌تی ژ بو دانه‌ناسینا گه‌شت وگوزارا هه‌رێمێ وتایبه‌ت پارێزگه‌ها دهوكێ بو ئیراقێ وجیهانێ هه‌میێ .

ژلایێ خوڤه‌ ساسان عه‌ونی وه‌زیرێ باژێرڤانی وگه‌شت وگوزارێ راگه‌هاند: كو ل ڤان 9 مه‌هێن ده‌ربازبوی زێده‌تر ژ 2 مه‌لیون و٥٠٠ هزار گه‌شتیاران سه‌ره‌دانا جهێن گه‌شت وگوزاری كرن ل هه‌رێما كوردستانێ هه‌روه‌سا گوت ; ئه‌م وه‌ك حكومه‌ت دێ هه‌ول ده‌ین به‌رده‌وام پروژێن گه‌شت وگوزاری ل هه‌رێما كوردستانێ جێبه‌چێبكه‌ین داكو زێده‌تر ده‌لیڤێن كاری بو خه‌لكێ هه‌رێمێ بهێنه‌ روخساندن ، ودانه‌ ناسینا گه‌شت وگوزارا هه‌رێمێ بو جیهانێ هه‌میێ .. 

دڤێ پێشانگه‌ها نیفده‌وله‌تیدا  فلمه‌كێ دووكومینتارێ ل دور جهین گه‌شت و گوزاری ل پارێزگه‌هێ دهوكێ هاته‌ نمایشكرن .

ئه‌ڤ پێشانگه‌ها دێ بو سێ روژان یا به‌رده‌وام بیت ،و كومپانێن نافبری دێ كارێ خو یێ تایبه‌ت ب گه‌شت وگوزاری نمایشكرن  .

PUKmedia به‌یار ئامێدی