هۆڵەندا.. باڵوێزی عیراق و كومێتەی پێشمەرگە دێرینەكان كۆدەبنەوە

دكتۆر هشام ئەلعەلەوی باڵوێزی عیراق لە هۆڵەندا لەگەڵ كۆمیتەی پێشمەرگە دێرینەكانی كوردستان لە هۆڵەندا كۆبووە. 

ئەكرەم محەمەد ئەمین سەرۆكی كۆمیتەی پێشمەرگە دێرینەكان و مۆفەق ڕەسوڵ، پێشڕەو ڕەحمان، هیوا ئەحمەد و ڕزگار مستەفا ئامادەی کۆبوونەوەكە بوون هەردوولا سەبارەت بە دۆخی ناوخۆی عیراق گفتوگۆیان كرد.

هەر لەو دیدارە سەبارەت بە كۆمەڵەی پێشمەرگە دێرینەكان و كار و چالاكییەكانی گفتوگۆكرا و خەباتی پێشمەرگە بەرز نرخێندرا. 

هەردوولا تەئكیدیان لەسەر پەیوەندییەكان كرد و خوازیاری پتەوتربوونی پەیوەندییەكان بوون.
PUKmedia