خوێندن بەڕێنماییە تەندروستیەكانەوە دەستپێدەكات

بەئامادەبوونی نزیكەی 2 ملیۆن خوێندكار لەسەرجەم شاروشارۆچكەكانی هەرێم زەنگی ساڵی نوێی خوێندن لێدراو پرۆسەی خوێندنی ئەمساڵ كە بڕیارە لەناو پۆل بێت دەستیپێكرد.

تریفە محەمەد عەبدوڵڵا بەڕێوەبەری پەروەردەی رۆژهەڵات لەسلێمانی بە PUKmediaی رایگەیاند: ئەمڕۆ 14ی 9ی 2021 دەستپێكی پرۆسەی خوێندنی 2021 -2022و لەزۆربەی خوێندنگەكانی پارێزگای سلێمانی ئامادەكاری تەواو كراوەو وەك لایەنی تەندروستیش رێنمایی تایبەت دەركراوە بۆ جێبەجێكردنی رێنماییە تەندروستییەكان و مامۆستایانش ناوەندی پێدانی ڤاكسینیان بۆ كراوەتەوەو بەردەوامن لەبەكارهێنانی ڤاكسنیی كۆرۆنا.

وتیشی: ساڵی رابردوو سەرەڕای ئاستەنگەكان و خراپی دۆخی كرۆنا كە وایكرد كوالێتی خوێندن تێبینی لەسەر بوو، بەڵام خوێندكار پەكی نەكەوتو پرۆسەكە درێژەی پێدراو تاڕادەیەكی باش توانرا بەردەوامی بەپرۆسەكە بدرێت ئەویش لەڕێی خوێندنی ئەلیكترۆنییەوە.

لەبارەی ئەگەر بەرزبوونەوەی ژمارەی توشبوان بەكۆر ۆنا بەتایبەت لەناوەندەكانی خوێندن و رێكارەكانی وتی: سەرجەم رێنماییەكان جێبەجێ دەكەین و بەپێی پێشهاتی نوێ رێنمایی نوێ دەردەچێت و ئێمەش وەك پەروەردە لەسەرمانە جێبەجێی بكەین.

PUKmedia جەمال سەرگەتی فۆتۆ: شاد ئیبراهیم