riklam

تەندروستی:ملیۆنێک و 200 ژەمە ڤاکسینمان وەرگرتوە

کوردستان 10:31 AM - 2021-09-01

وەزارەتی تەندروستی داوا لە هاوڵاتیانی هەرێم دەکات پابەندی رێنماییە تەندروستییەکان بن و ڤاکسینی دژە کۆرۆنا بەکاربهێنن و ئاماژە بەوەشدەکات بە پێدانی ڤاکسین بە مامۆستایان ئامادەکاری بۆ خوێندنی ئەمساڵ دەکرێت.

د. سامان بەرزنجی وەزیری تەندروستی هەرێم لە کۆنگرەیەکی رۆژنامەوانیدا وتی: لەهەرێمی کوردساتن سێ جۆر ڤاکسینمان هەیە ( فایزەر و سونۆفارم و ئەسترازینکا ) و هەتا ئێستا یەک ملیۆن و ٢٠٠ هەزار ژەمە ڤاکسین وەرگیراوەو ٧٠٠ هەزاری دراوە بە هاوڵاتیان و داواشیان لێدەکەین  پابەندی رێنماییە تەندروستییەکان بن و ڤاکسین وەربگرن.

وتیشی: سەرجەم ئەو ڤاکسینانەی هەن تەندروستن و هیچ کێشە و مەترسییەکیان نیە و لەسەر ئاستی نێودەوڵەتی مۆڵەتیان پێدراوە و هاوڵاتیان پێویستە هەر جۆرێک ئامادە بوو بێ ترس وەریبگرن.

ئاماژەی بەوەشکرد: رێژەیەکی باش ڤاکسین دانراوە بۆ مامۆستایان، وەک ئامادەکاری بۆ پرۆسەی خوێندنی ئەمساڵ و پێش دەستپێکردن و دوای دەستپێکردنی خوێندنیش پرۆسەکە بەردەوام دەبێت.

هاوکات ئالان حەمەسەعید وەزیری پەروەردە وتی: لە سنوری دهۆک بە هەماهەنگی هەردوو بەرێوەبەرایەتی پەروەردە و تەندروستی ناوەندی پێدانی ڤاکسین بۆ مامۆستایان کراوەتەوەو هەتا ئێستاش وەرگرتنی زۆرترین رێژەی ڤاکسین لە دهۆکە هەوڵدەدەین لە سلێمانی و شارەکانی تریش بەهەمان شێوە بکرێت هەتا پرۆسەی خوێندن بە رێکخراوی بەرێوەبچێت.

PUKmedia تایبەت


ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket