}

زامنكردنی مووچە كاریگەری كۆرۆنا لەسەر خوێندن كەمدەكاتەوە

کوردستان 12:52 PM - 2021-08-24

سەرۆكی یەكێتی مامۆستایانی كوردستان مەرجی سەركەوتنی پڕۆسەی خوێندنی ساڵی داهاتوو ئاشكرا دەكات و رایدەگەیەنێت، دابەشكردنی مووچەی مامۆستایان بەبێ لێبڕین و لەكاتی خۆی،  كاریگە‌رییەكانی ڤایرۆسی كۆڕۆنا  لەناوەندەكانی خوێندن كەمدەكاتەوە.

عەبدولواحید محەمەد سەرۆكی یەكێتی مامۆستایانی كوردستان بە PUKmedia ی راگەیاند: دووبارە نەبوونەوەی  كێشەی مووچەی مامۆستایان و كۆتایی هێنانی یەكجاری بە پاشكەوت و لێبڕینی مووچە بە مەرجی سەرەكی دەزانیین بۆ سەرخستنی پڕۆسەی پەروەردە و خوێندنی ساڵی  داهاتوو.

 وتیشی: هەركاتێك مامۆستا و كارمەندانی پەروەردە كێشەی دارایی و ئابووریان كەمتر بێت، راستەوخۆ كاریگەری لەسەر چۆنێتی جێبەجێكردنی ئەركەكانیان دەبێت، وادەكات  مامۆستایان باشتر وانەكانیان بە خوێندكاران بڵێنەوە.

 تەئكیدیشكردەوە: كێشەی مووچە و ڤایرۆسی كۆرۆنا دوو ئاستەنگی سەرەكی بەردەم  پڕۆسەی خوێندنی  دووساڵی رابردوو بوون، بەڵام بەلای ئێمە وەك یەكێتی مامۆستایان دابەشكردنی مووچە بەتەواوەتی و لەكاتی خۆی، كاریگەرییەكانی ڤایرۆسەكەش لەناوەندەكانی خوێندن كەمدەكاتەوە.

PUKmedia تەها عەبدوڵڵا - هەولێر

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket