بۆ خوێندكاران.. لێرەوە ئەنجامی تاقیكردنەوەكانت وەربگرەوە

بڕیارە ئەمڕۆ 23ی 8ی 2021 ئەنجامی خولی یەكەمی تاقیكردنەوە گشتییەكانی پۆلی 12ی ئامادەیی رابگەیەنرێت.

خوێندكاران دەتوانن لەم لینكەوە ئەنجامەكانیان وەربگرنەوە.

لێرەوە ئەنجامی تاقیكردنەوەكانت وەربگرەوە

هاوكات عیسا حسێن سەرپەرشتیاری پەروەردەیی بە  PUKmediaی راگەیاند: سەعات ٨ی ئێوارەی ئەمڕۆ ئەنجامی ئەزمونەگشتیەكانی قۆناغی 12ی ئامادەیی رادەگەیەنێت، دوای ئەوەی لە 25-7 دەستیپێكردو لە 15-8-2021 كۆتاییهات.

وتیشی: پێشبینی دەكەین ئەنجامی ئەزموونەگشتیەكانی قۆناغی 12ی ئامادەیی جیاوازیەكی ئەوتۆی لەگەڵ ساڵی رابردوو نەبێت، بەوپێیەی لە هەمان بارودۆخی ڤایرۆسی كۆڕۆنا ئەنجامدراوە.

ئاماژەی بەوەشكرد: بڕیارە لە 6-9-2021 قۆناغی دووەمی ئەزمونەكانی ئەو قۆناغە بەڕێوەبچێت، ئەمەش  ماوەیەكی كەمە، چونكە تەنیا 13 رۆژ لەبەردەم خوێندكار دەبێت، بەمەش خوێندكاران  فریای خوێندن و پێداچونەوە بە بابەتەكان ناكەون،  ئەمە لەكاتێك  خوێندكار هەیە بەشی زۆر لە وانەكانی هەڵگرتووە بۆ قۆناغی دووەم.

PUKmedia تەها عەبدوڵڵا