ماڵپەڕی شاعیری گەورەی كورد مەولەوی كرایەوە

سەرلەبەیانی ئەمڕۆ شەممە 21-8-2021 مەراسیمی كردنەوەی سایتی رەسمیی شاعیری گەورەی كورد مەولەوی لە بینای سەرای كۆنی سلێمانی بەڕێوەچوو .

پێگەكە پێكدێت لە ماڵپەڕێكی ڕەسمیی تایبەت بە بەرهەم و نووسراوە دەستنووسەكانی سەید عەبدوڕەحیمی تاوەگۆزی ( مەولەوی) .

ماڵپەڕەكە لە ناوەڕۆكدا پێكهاتووە لە شەش بەشی سەرەكی و بەزمانەكانی كوردی ،عەرەبی ، ئینگلیزی و فارسی بابەتەكانی بڵاودەكاتەوە.  

لەمڕۆوە دوای كردنەوەی ماڵپەڕەكە زیاتر لە 40 دەستخەت و كەشكۆڵ كە سەرچاوەن بۆ بەرهەمەكانی مەولەوی و ئەو بابەتانەی كە لەسەد ساڵی ڕابردوو لە سەر ژیان و بەرهەمی مەولەوی لێكۆڵینەوە و لێكدانەوەی بۆ كراوە بەردەستن و خوێنەران و نوسەران و ئەدیبان دەتوانن سودی لێوەربگرن و وەك سەرچاوە بەكاریبهێنن.

PUKmedia ڤینۆس تۆفیق