هه‌نگوینی مه‌له‌كی چییه‌ و سوده‌كانی چییه‌؟

هه‌نگوینی مه‌له‌كی له‌ ڕێگه‌ی هه‌نگی تازه‌ پێگه‌یشتووه‌ دروست ده‌كرێت كه‌ ده‌وڵه‌مه‌نده‌ به‌ ڕێژه‌یه‌كی زۆر له‌ پرۆتینه‌  پێویسته‌كان ، هه‌نگه‌كان هه‌نگوینی مه‌له‌كی به‌رهه‌م ده‌هێنن كه‌ له‌ هه‌نگوینی ئاسای جیاوازه‌ كه‌ سه‌رچاوه‌ی سه‌ره‌كی خۆراكی مه‌لیكه‌یه‌ له‌به‌ر ئه‌وه‌ ناونراوه‌ هه‌نگوینی مه‌له‌كی.

مه‌لیكه‌ به‌ خواردنی هه‌نگوینی مه‌لیكی یارمه‌تی زیادبوونی قه‌باره‌ی ده‌دات وه‌گه‌شه‌كردنی هێلكه‌دانی مه‌لیكه‌ چالاك ده‌كات  هه‌روه‌ها ده‌بێته‌ هۆی ئه‌وه‌ی ته‌مه‌نی مه‌لیكه‌  (20) هێنده‌له‌ ته‌مه‌نی هه‌نگه‌كانی تر زیاتر بێت به‌مه‌ش ته‌مه‌نی مه‌لیكه‌ درێژ ده‌كات.
له‌ماوه‌ی 5_6 مانگدا له‌ خانه‌كانی هه‌ر خێزانی هه‌نگه‌كاندا  ده‌توانن نزیكه‌ی  (500) گم هه‌نگوینی مه‌له‌كی خزن بكه‌ن بۆ مه‌لیكه‌  كه‌ ئه‌م ڕێژه‌یه‌ش زۆره‌ مه‌لیكه‌ هه‌مووی ناخوات به‌شی زۆری كه‌ ده‌مێنێته‌وه‌ هه‌نگه‌وانه‌كان ده‌ری ده‌كه‌ن و ده‌یفرۆشن.

سوده‌كانی هه‌نگوینی مه‌له‌كی
ڕێكخستنی په‌ستانی خوێن
سه‌رچاوه‌ زانستی یه‌كان ئاشكرایان كردوه‌ ئه‌و جۆره‌ پرۆتینانه‌ی له‌ناو هه‌نگوینی مه‌له‌كی دا هه‌یه‌ كاریگه‌ری ڕاسته‌وخۆی هه‌یه‌ بۆ سه‌ر ئاستی په‌ستانی خوێن له‌ مۆڤ دا به‌ شێوه‌یه‌كی درێژ خایه‌ن له‌ كاتێكدا كه‌ تێكه‌ڵه‌ له‌گه‌ڵ پۆتاسیۆم د ا به‌ڵام ده‌بێته‌ هۆی كه‌م بوونی په‌ستان له‌سه‌ر خوێنبه‌ره‌كان و دڵ له‌م حاڵه‌ته‌دا  ڕێژه‌ی مه‌ترسی توش بوون به‌نه‌خۆشی دڵو خوێنبه‌ره‌كان كه‌م ده‌كات.
ڕێژه‌یه‌كی زۆر ڤیتامین و كانزا سودبه‌خشه‌كانی تێدایه‌ كه‌ گرنگن بۆ له‌ش وه‌كو كالسیۆم و ئاسن و پۆتاسیۆم  و وه‌كۆمه‌ڵه‌ی ڤیتامین  B  و ترشی فۆلیك،
هه‌نگوینی مه‌له‌كی سه‌رچاوه‌یه‌ بۆ زیاتر له‌ (17) جۆر له‌ ترشه‌ ئه‌مینی یه‌كان كه‌له‌وژماره‌یه‌ (8) جۆریان له‌شی مرۆڤ توانای دروست كردنی نی یه‌ ده‌بێت وه‌ری بگرێت.

پارێزگاری له‌ ڕێژه‌ی كۆلسترۆڵ ده‌كات
هه‌رچه‌نده‌ خواردنی شیرینی كاریگه‌ری هه‌یه‌له‌سه‌ر به‌رزبوونه‌وه‌ی كۆلسترۆڵ  به‌ڵام هه‌نگوینی مه‌له‌كی ڕێژه‌ی كۆلسترۆڵی زیانبه‌خش كه‌م ده‌كات له‌ له‌شی مرۆڤ دا.
نه‌زۆكی كه‌م ده‌كات
هه‌نگوینی مه‌له‌كی كارده‌كات له‌سه‌ر به‌هێزكردنی هێلكه‌دان ئه‌مه‌ش ده‌بێته‌هۆی كه‌مكردنه‌وه‌ی نه‌زۆكی و به‌هۆی بوونیجۆرێكی تایبه‌تی پرۆتین له‌ناوی دا
پارێزگاری له‌ توشبوون به‌ نه‌خۆشی شێر په‌نجه‌ ده‌كات به‌هۆی بوونی ڕێژه‌یه‌كی زۆر دژه‌ ئۆكسان له‌ ناوی دا كه‌ به‌رگری به‌هێز ده‌كات  ئه‌مه‌ش مه‌ترسی توشبوون به‌ نه‌خۆشی شێپه‌نجه‌ كه‌م ده‌كات
كه‌مكردنه‌وه‌ی مه‌ترسی توشبوونی ئیلتیهاب
كه‌مكردنه‌وه‌ی نیشانه‌كانی پیری بۆ پێست و قژ
كرداری هه‌رسكردن ڕێكده‌خات
به‌رگری به‌هێز ده‌كات
كه‌مكردنه‌وه‌ی ئازاری سوڕی مانگانه‌
هۆكاره‌ بۆ زوو چاك بوونه‌وه‌ی برین
هه‌نگوینی مه‌له‌كی كاریگه‌ری زۆری هه‌یه‌ بۆ زیادكردنی توانای سێكسی پیاو  كه‌ به‌ پێی توێژینه‌وه‌كان  هه‌نگوینی مه‌له‌كی ڕێژه‌ و كوالیتی سپێرم زیاد ده‌كات وه‌ ڕێژه‌ی تستۆسترۆن زیاد ده‌كات كه‌ به‌ شێوه‌یه‌كی گونجاو توانای مناڵ بوون زیاد ده‌كات  و ماوه‌ی سێكس درێژ ده‌كاته‌وه‌  وه‌  هه‌ستی ماندووبوون و هیلاكی ناهێڵێت له‌دوای سێكس وه‌هه‌ستی سێكسی زیاد ده‌كات.

له‌شكر حمید
ئه‌ندازیاری خۆراك

PUKmedia