داوای ئاشكراكردنی ناسنامەی قوربانیانی گۆڕە بەكۆمەڵەكان دەكرێت
جینۆساید 08:00 PM - 2021-06-13.
نەجم جبوری پارێزگاری نەینەوا داوا لەڕێكخراوە نێودەوڵەتییەكان دەكات لە دۆزینەوەو ئاشكراكردنی ناسنامەی روفاتی قوربانیانی دەستی تیرۆرستانی داعش هاوكارییان بكەن و یارمەتییان بدەن.
نەجم جبوری پارێزگاری نەینەوا لەكۆنگرەیەكی رۆژنامەوانیدا لەكاتی بەڕێوەچوونی هەڵدانەوەی ژمارەیەك لەگۆڕە بەكۆمەڵەكاندا لەناوچەی بادووش لەرۆژئاوای موسڵ، روونیشی كردەوە كە روفاتی ئەم گۆڕە بەكۆمەڵانە ئەو قوربانییانەن لەگرتووخانەی بادوش زیندانی كرابوون و تیرۆرستانی داعش لەسەردەمی دەسەڵاتی نەگریسیاندا بەسەر پارێزگای نەینەوادا لەساڵی 2014 لەسێدارەی دابوون.
راشیگەیاند: لەباشوورو باكوورو رۆژئاواو رۆژهەڵاتی موسڵ ژمارەیەكی زۆر گۆڕی بەكۆمەڵ هەیەو كەسوكاری قوربانییەكان داوا لەلایەن پەیوەندیدارەكان دەكەن ناسنامەی رۆڵەكانیان ئاشكرا بكرێت كە خۆی لەهەزارەها قوربانی دەدات.
هەر ئەمڕۆ تیمە تایبەتەكانی سەر بەدەزگا شەهیدان، گۆڕێكی بەكۆمەڵیان لەناوچەی بادوش لەپارێزگای موسڵ هەڵدایەوە.
سەرچاوەیەكی تایبەت بە PUKmedia ی راگەیاندبوو كە تیمە تایبەتەكان، ئەمڕۆ گۆڕێكی بەكۆمەڵیان لەناحیەی بادوش هەڵداوەتەوە كە روفاتی 600 قوربانییان تێدا بوو، روونیشیكردەوە، زۆربەی روفاتەكان بریتین لە زیندانیانی كوشتارگەكەی بادوش و ساڵی 2014 لەو كاتەی داعش شاری موسڵ داگیردەكات، زیاتر لە 670 كەسیان لەسێدارە دەدات.
راشیگەیاند: تا ئێستا نزیكەی 112 روفات دەرهێنراونەتەوە، بەهۆی ئەوەی گۆڕەكە قووڵ نییە، رەنگە بەمنزیكانە كۆتایی بە پرۆسەی دەرهێنانەوەی سەرجەم روفاتەكان بهێنرێت، جەختیشی كردەوە كەلەو گۆڕەبەكۆمەڵەدا، ژمارەیەك كچ و ژنی تێدایە.
لای خۆیانەوە، ژمارەیەك لە هاووڵاتیان لەناوچەكانی باشووری موسڵ داوایانكرد پەلەبكرێت لەئاشكراكردنی روفاتی قوربانییەكان لەگۆڕی (خەسفە) كە بەپێی شایەتەحاڵە رزگاربووەكان هەزارەها روفات لەخۆی دەگرێت و زۆربەی قوربانییەكانیش بریتی بوون لەكارمەندی دەزگا ئەمنییەكان و ئەوانەی لەبەرەی دژ بە گرووپی تیرۆرستی داعشدا بوون، وەك هاووڵاتی عومەر عەبدوڵڵا ئاماژەی پێكردووە، ژمارەیەك گۆڕی بەكۆمەڵ لەباشووری موسڵ هەیە كە تا ئێستا ئاشكرا نەكراون، لەوانە گۆڕەبەكۆمەڵەكانی (خەفسە، زگروتیە، مەقالع ئەلعەریج، كۆلێژی كشتوكاڵ و دارستانەكان).
واش باس دەكرێت كە تا ئێستا 45 گۆڕی بەكۆمەڵ لەپارێزگای نەینەوا دۆزاونەتەوەو فەرمانگەی تەندروستی و دەزگای شەهیدان و چەند لایەنێكی تری پەیوەندیدار لەهەوڵدان بۆ ئاشكراكردنی ناسنامەی قوربانییەكان، وەرگرتنی نموونە لەترشی ناووكی روفاتەكان، بەڵام لەئێستادا فەرمانگەی پارێزگاریكردن لە گۆڕە بەكۆمەڵەكانی سەر بە دەزگای شەهیدان بەهۆی بەرزبوونەوەی پلەی گەرماوە، رووبەڕووی ئاستەنگ بۆتەوەو زۆرێك لەكارمەندەكان نەخۆش كەوتوون و سەرەڕای بڵاوبوونەوەی دووپشك و مار، ئەوەشی تا ئێستا دۆزراونەتەوە چارەكێكی رووبەری دیاریكراوی گۆڕەبەكۆمەڵەكانە.
PUKmedia تایبەت
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16