عیراق.. چاره‌نوسی ھه‌زاران رفێنراوی ژێرده‌ستی داعش نادیاره‌

.

كۆمسیۆنی مافه‌كانی مرۆڤی عیراق رایده‌گه‌یه‌نێت، ھێشتا ھه‌زاران رفێنراو له‌ ده‌ستی تیرۆرستانی داعشدان و چاره‌نووسیان نادیاره‌.

فازل غه‌راوی ئه‌ندامی كۆمسیۆنی مافه‌كانی مرۆڤ له‌ عیراق رایگه‌یاند، چاره‌نووسی ھه‌زاران هاووڵاتی ئێزیدی و توركمان و شه‌به‌كی ژێرده‌ستی تیرۆرستانی داعش ھێشتا نادیاره‌، داواشیكرد حكومه‌تی عیراق ھه‌وڵه‌ دیبلۆماسی و ئه‌منییه‌كانی چڕ بكاته‌وه‌ و ھه‌ڵمه‌تێك رابگه‌یه‌نێت بۆ رزگاركردنیان، چونكه‌ ئه‌وه‌ داواكاری چه‌ند ساڵه‌ی كه‌سوكاریانه‌.

غه‌راوی به‌ پێویستیشی زانیوه‌ پڕۆگرامێك رابگه‌یه‌نرێت بۆ ئاساییكردنه‌وه‌ ره‌وشی ئازادكراوه‌كان به‌ تایبه‌ت ژنان و حكومه‌ت ھه‌وڵی بڕیارێكی نێوده‌وڵه‌تی بدات بۆ قه‌ره‌بوو كردنه‌وه‌ی قوربانیان و زیانلێكه‌وتووان.  

PUKmedia ئاژانسه‌كانی عیراق