رێكخراوی تۆڵه‌ بۆ خزمه‌تكردنی رزگاربووانی ده‌ستی داعش ده‌ده‌مه‌زرێت

.

ژبو زێده‌تر خزمه‌تكرنا وان كچ ژنێن ژ ده‌ستێ تیرورستێن داعش رزگاربوین بهێته‌كرن، ل ناحیا باعه‌درێ ب ره‌سمی رێكخراوا تولای هاته‌ڤه‌كرن ، ب ئاماده‌بوونا بابه‌شێخ سه‌روكێ جڤاتا روحانی، وژماره‌كا كج و ژنێن رزگاربوی

 ئه‌حمه‌د مشكو ، هاریكارێ به‌رپرسێ رێكخراوا تولای راگه‌هاند ، كو ئارمانجا وان خزمه‌تكرنا وان كچ و ژنانه‌ ێن ده‌ستێ جه‌كدارێن داعش ێن تیرورست رزگاربوین دهه‌ر بیاڤه‌كێ دا،  ودێ هه‌ول ده‌ین ده‌لیڤه‌ێن كاری وهاركاریا پێشكێشی وان بكه‌ین

هه‌روه‌سا ئه‌میره‌ دیانه‌ ، به‌رپرسا رێكخراو ژنێن ئێزدی دا دیاركرن وگوت ، هندی خزمه‌تا كه‌چ و ژنێن ئێزدی بهێته‌ كرن هه‌ر كێمه‌ چونك وان زولم وسته‌م ل سه‌ر ده‌ستێ چه‌كدارێن داعش دیتیه‌ هیڤی دخازین هه‌می ئالیه‌ك هاریكار وپشته‌ڤانێ وان بیت .

ژنه‌كا رزگاربوی ژ ده‌ستێ جه‌كدارێن داعش دبێژیت ، نها ئه‌و ژن وكچێن رزگار بوی ژ ده‌ستێ تیرورستێن داعش ژ رویێ جه‌سته‌ی و ده‌رونێ و ئابورڤه‌  تێكجوینه‌ پێتڤی ب هاریكاریێ نه‌ ، وڤه‌كرنا ده‌لیڤه‌ێن كاری داكو بشێن وێ كاره‌ساتێ پێجه‌كێ ژ بیرڤه‌ بكه‌ن

دهێته‌ زانین هه‌ر ژ روژا 3-8-2014 جه‌كدارێن داعش ێن تیرورست هێرش كره‌ ل سه‌ر ده‌ڤه‌را شنگالێ وده‌ورو به‌رێن وێ وب سه‌دان كچ ژنێن ئێزدی ره‌ڤاندن، ول گوری ئامارا تانوكه‌ نێزیكی 3  هزار و 500 كچ و ژن هاتینه‌ رزگار كرن و 3 هزار كچ وژنێن ئێزدی د ده‌ستێ تیرورستان دا ماینه‌ وچاره‌نڤیسی وان ژی نه‌دیاره‌.

PUKmedia به‌یار ئامێدی