هایکۆ بە رانکو چۆغەوە

.

هایکۆ بە رانکو چۆغەوە

بۆ ئەوەی رەحەت بێ

مەجبورە بیرە نەوتێک بدۆزێتەوە

حوکمەت

ماڵی لەشفرۆشەکە بدۆزێتەوە

کوڕە بێ توتنەکەی میللەت

بخرێتە سەر شارەوانیی هەولێر

عەربەت

***

ئای لە رۆژانی راپەڕین چیمان نەبرد

مێز و ئارد و حەیای شۆڕش

لە ئيعلام چەند درۆمان کرد

وەک تەئریخی ماد و کۆرش

کاتێک تەسلیمیش بووینەوە

چەندمان گوو خوارد

چەندمان هێنایەوە پۆزش

***

ناو ئوتومبیلە درعەکە

کوڕە مەسئولێکی تیایە

مەسئولەکە طاوسێکی لە خۆبایی

چایچییەکە ناوی شاعیرێکی لایە

قەرزاری شیعرێک بۆ دولبەر

لەگەڵ پارەی دوانزە چایی

***

خەمی ترم بۆ مەهێنە

بەرگەی ناگرم، ناتوانم

روخسارم ترش

نمەکم سوێر

شعورم توون

گوفتارم تاڵ

لە سایەی خوا و سەری تۆوە

ئێستا من ئەتڵەسی زۆربەی

تامەکانم