جێی سیقەن

.

جێی سیقەن


* ئەوسا و ئێستا ھەردووکیان بە لەعنەت بن، ئەوسای عەسکەری ئیجباری و ئێستای رسوایی و بێ مەعاشی.

* زۆر ناخۆشە کەوتووینەتە ژێر ھێڵی ھەژارییەوە، لەوە ناخۆشتر بە تەمان بمانخەنە ژێر ھێڵی کەرێتیشەوە.

* لەوە ئەچێ وەعدی چاکسازی زۆر قورس بێ بۆیە ئەغڵەبی کاربەدەستەکان قۆڕن.

* ئەوەندەی ئێمە ئیمانمان بە وەعدەکانی بەغدا ھەیە، نیو ھێندە دنیا متمانەی بە ئاوازەکانی ھەڵکەوت زاھیر نییە.

* مرور قەت ناپرسێ ئەمڕۆ چەند تاسەت ژماردووە، ئەڵێ بۆ قایشت نەبەستووە.

* کار وا بڕوا کەس ئیتر ناوێرێ نقە بکات، تەنانەت لە ئاودەستیشدا.

* تەلەفزیۆنی داماو رۆژگارێک تێکەوتووە ریکلامەکانی لە خەبەرەکانی زیاتر جێی سیقەن.

* درێژەکێشانی پەیوەندی زۆرجار لە سایەی گێلێتی لایەنێکیانەوەیە.

* مرۆڤایەتی ئەوەی ناخۆشە کە لە ناو ئاژەڵاندا زۆرترە.

* ھەرچەند سەیر ئەکەم گۆڕان لەناو حکومەتدا وەکو گوێز وایە لە ترشیاتدا.