حەز ئەکەم

.

حەز ئەکەم

* حەز ئەکەم ویژدان لێی بنووسرێ: فرۆشراو وەرناگیرێتەوە.

* زۆر زۆر حەز ئەکەم ببمە مرۆڤێکی رووەکی، بەس حەیفێ سەروپێ بە شەتڵ نییە.

* حەز ئەکەم ئەم شارە ناوی دووشەنبە بێت، منیش یەکشەممە جێی بێڵم.

* حەز ئەکەم سەر لە ھەموو شتێ دەرکەم، بەشەرتێ شانیشمی پیا بچێ.

* حەز ئەکەم بمکەن بە سەرۆکی پەرلەمان، داخەکەم پارتی پشتگیریم بۆ نانووسێ.

* حەز ئەکەم بارەگوێزم لێ بنێن خڕەی نەیەت، بەڵام چی بکەم کەر نیم.

* ئەڵێم حەز ئەکەم داری ئازادی ئاو بدەم، ئەڵێ تەنکەرەکە لێرە نییە نەوتیان پێ بارکردووە بۆ تورکیا.

* حەز ئەکەم ناوبانگی وڵاتەکەم بەرز ببێتەوە، کەچی تەنیا ھەر لنگی بە عاسمانەوەیە.

* حەز ئەکەم لە گرانترین شوێنی شاردا حوکمەت شەش حەوت دۆنم عەرزم بداتێ بیکەم بە خەستەخانە، بەڵام خەستەخانەی ئەھلی.

* حەز ئەکەم ئیمانم بە دیموکراسی ھەبێ، بەداخەوە ئەو برادەرانە لەبەر چاویان خستم.