هۆشداری دەدرێت لەدواكەوتنی پڕۆژەیاسای بودجەی ٢٠٢١ ی عێراق
ئاگاداری 10:03 AM - 2020-12-11.
یاسای تەمویلكردنی كوتهێنانی دارایی كە دوای مشتومڕێكی زۆر لە ١٣ ی مانگی ڕابردوودا لەلایەن ئەنجومەنی نوێنەرانی عێراقەوە تێپەڕێنرا، لە كۆتایی ئەم مانگەدا وادەكەی بەسەردەچێت و لەو وادەیە بەولاوە چیتر حكومەت ناتوانێت بە گوێرەی ئەو یاسایە هیچ بڕە پارەیەك خەرج بكات و ڕووبەڕوی هەمان ئەو كێشانە دەبێتەوە كە بەر لە تێپەڕاندنی یاساكە دەستوپەنجەی لەگەڵدا نەرم دەكردەوە.
ئەندامێكی لیژنەی دارایی لە ئەنجومەنی نوێنەران داوا لە حكومەت دەكات ڕێز لە یاسا فیدرالیەكان بگرێت و پەلە بكات لە ڕەوانەكردنی پڕۆژەیاسای بودجەی ساڵی ٢٠٢١ بۆ ئەنجومەنی نوێنەران تا جارێكی تر كەلێنی یاسایی دارایی لە عێراق دروست نەبێتەوە. عەبدولهادی سەعداوی ئاماژەی بەوەشكردوە، لیژنەكەیان نیشانەی پرسیاری زۆری خستووەتە سەر دواكەوتنی ڕەوانەكردنی پڕۆژەیاسای بودجەی ساڵی ٢٠٢١ بۆ ئەنجومەنی نوێنەران، وتوشیەتی تا ئەم ساتەوەختە ئەنجومەنی وەزیران ئەو پڕۆژەیاسایەی تاووتوێ نەكردوە ، لەكاتێكدا یاسای تەمویلكردنی كوتهێنانی دارایی لە ٣١ ی ئەم مانگەدا وادەكەی بەسەردەچێت. ئەو ئەندامەی لیژنەی دارایی ئەنجومەنی نوێنەران ئاماژەی بەوەكردوە ، حكومەت پابەندكراوە بە بەكارهێنانی ئەو دەسەڵاتەی لەناو ئەنجومەنی وەزیراندا هەیەتی بۆ ڕەوانەكردنی پرۆژەیاساكە بۆ ئەنجومەنی نوێنەران و ئەگەر لەو وادەیەدا ئەو كارە نەكات ئۆباڵی دواكەوتنی موچەی فەرمانبەران دەخەینە ئەستۆی حكومەت.
لەمساڵدا پەتای كۆرۆنا بەهای نەوتی لە بازاڕەكانی جیهاندا بۆ ئاستێكی پیوانەیی دابەزاند و عێراقیش هاوشێوەی وڵاتانی تری بەرهەمهێنی نەوت ڕووبەڕووی قەیرانێكی دارایی گەورە بۆوە، بەجۆرێك كە حكومەت تەنانەت توانای دابینكردنی موچەی فەرمانبەرانیشی نەما، لە هەوڵێكیشدا بۆ پڕكردنەوەی ئەو كورتهێنانە وەزارەتی دارایی هیچ بژاردەیەكی تری لەبەردەمدا نەما قەرزكردنی ناوخۆیی نەبێت لە بانكە حكومیەكان، كە دواتر بڕەكە لە بانكی ناوەندی دەبڕدرێت.
یاسای تەمویلكردنی كوتهێنانی دارایی بەبێ بەشداریكردنی كورد تێپەڕێنرا، ئەوەش مشتومڕێكی زۆری لەسەر ئاستی هەرێمی كوردستان و عێراقیش هێنایەكایەوە، و ئێستاش كە هەرێم پابەندبونی خۆی بە یاساكەوە دوپاتكردووەتەوە، گوتەبێژی سەرۆكی شاندی حكومەتی هەرێمی كوردستان بۆ دانوستان لەگەڵ بەغدا، كۆبوونەوەكانی نێوان شاندی هەرێمی كوردستان و حكومەتی عێراقی لەوبارەیەوە بە ئەرێنی ناوبردوە و وتوشیەتی ئێستا هەرێم چاوەڕێی وەڵامی بەغدایە.
PUKmedia
هەواڵی زیاتر
-
کۆنفرانسی زانستی نێودەوڵەتی کاری کۆمەڵایەتی سازدەکرێت
10:46 AM - 2024-04-28 -
باڵیۆزی یهكێتیی ئهوروپا: زیاتر هاوکاری عیراق و هەرێم دەبین
04:34 PM - 2024-04-27 -
هێرشە درۆنیەكەی كۆرمۆر كاردانەوەی نێودەوڵەتی لێدەكەوێتەوە
10:11 AM - 2024-04-27 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26
ئەمانەش ببینە
د.نەرمین مەعروف: لەم هەفتەیەدا مووچەی هەرێم دەنێردرێت
10:17 AM - 2024-04-28
٧١ هەمین هەفتانەی دیجیتاڵی ئینگلیزی بڵاودەكرێتەوە
09:10 AM - 2024-04-28
یەمەن ناوی کوژراو و بریندارەکانی کێڵگەی کۆرمۆر ئاشکرا دەکات
06:17 PM - 2024-04-27
وەزارەتی دەرەوەی ئیمارات: پەلامارەكەی كۆرمۆر تیرۆریستی و پێشێلكاری نێودەوڵەتییە
05:44 PM - 2024-04-27
زۆرترین خوێنراو
-
قوباد تاڵەبانی پرسەنامەیەک ئاڕاستەی هۆزی جاف دەکات
پرسەنامە 08:52 PM - 2024-04-28 -
لوقمان وەردی: یەكێتی لەگەڵ دواخستنی هەڵبژاردن دا نییە
کوردستان 03:06 PM - 2024-04-28 -
کۆنفرانسی زانستی نێودەوڵەتی کاری کۆمەڵایەتی سازدەکرێت
کوردستان 10:46 AM - 2024-04-28 -
د.نەرمین مەعروف: لەم هەفتەیەدا مووچەی هەرێم دەنێردرێت
کوردستان 10:17 AM - 2024-04-28 -
پرسەنامەی قوباد تاڵەبانی بۆ خانەوادەی کامەران حەمە حەمەسەعید
پرسەنامە 10:01 AM - 2024-04-28 -
٧١ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:10 AM - 2024-04-28