ھەلێرم و مەلێرم

.

ھەلێرم و مەلێرم

ھەلێــرم و مــەلێــرم
یــەک فلستان بۆ نانــێــرم
ژێردەستەی عالەمیش بم
خـۆ بـە ئێـوە دەوێــرم
***
من خۆم لە سەگ سواڵ ئەکەم
سواڵی ماڵەو ماڵ ئەکەم
بۆ قاسە بەتاڵەکەم
لە کوێی بێنم بودجەی مۆڵ؟
قابیلە تلیاردێرم؟
***
گومرگ و قاچاغ و نەوت
داھاتی شێلم و جەوت
ھێشتا مەعاش پاشەکەوت؟
ئەی ئافەرین ھەولێرم
***
راستە لە جەبرا کۆڵم
چەند ساڵە ئەبڕی قۆڵم
بەڵام بەشی خۆم زۆڵم
کوڕی بەسرە و زوبێرم
***
لە مۆسکۆوە تا بەرلین
هی ئاشکرا و ژێر زەمین
ئەزانم خاوەنی چین
وەرە بۆتان بژمێرم
***
بۆ لەواقیع رائەکەی ؟
چەواشەکاریی تا کەی؟
ئاواش ئەبووی بە دوبەی!!
تڕحێو برای بێ خێرم
***
خۆتم لێ مەکە بە شت
لاچۆ، بڕۆ، کشە، خت
ریفراندۆمەکەشتان فت
بە میستەرتان ئەسپێرم