نازانم بۆچی؟

.

نازانم بۆچی؟

* یارۆ فکری زۆر پیسە، نازانم بۆچی مێشی پێوە نانیشێتەوە؟

* گوێی حکومەت یەکجار گرانە، نازانم بۆچی رەقابەی تیجاری غەرامەی ناکات؟

* خۆ منیش دەنگم تا بڵێی ناخۆشە، نازانم بۆچی کچان رەسمم لە گەلدا ناگرن؟

* عیراق دەمێکە شێرپەنجەی گەندەڵیی تووش بووە، نازانم بۆچی نایبەن بۆ نەخۆشخانەی ھیوا؟

* خاڵم فڕی بەسەر جمهورییەتەوە نییە، نازانم بۆچی نایکەن بە راوێژکار لە پەڕلەمان؟

* فەقیرە لە دوو ھەزار و سێوە کوردایەتی ئەکات، نازانم بۆچی کاندیدی ناکەن بۆ وەزیری؟

* گۆرانی شاعیریش سامانێکی نیشتمانییە، نازانم بۆچی نایفرۆشن بە تورکیا؟

* نازانم بۆچی زوو زوو زەختم دا ئەبەزێت، خۆ رەسمی مەسئولێکیشم لەژوورەکەمدا ھەڵواسیوە؟

* میوانە ئەجنەبییەکەمان کە وەزعی شاری بینی وتی نازانم بۆچی کووژەکەیەکی شین ناکەن بە ناوچەوانییەوە؟

* سەللاجەکەمان عەشتەبای تیا نییە، نازانم بۆچی باوکم ناھێڵێ جوچکی تیا بەخێو بکەم؟

* خۆیان لە من باشترن ئەزانن سیاسەتەکەیان قۆڕە، نازانم بۆچی عەمەلیاتی ناکەن؟

* ئەمریکییەکان بەخوێی چێشتیش ناگەنەوە بە کورد، نازانم بۆچی مردووەکانی ئەوانیش دەنگ ئەدەن؟