یەکێکیان

.

یەکێکیان
دکتۆر شێرکۆ عبدوڵڵا
* لە ژیاندا چەند شتێک ھەن زۆر بێ مەعنان، یەکێکیان ژیان خۆیەتی.
* کوردستان چوار دوژمنی گەورەی ھەیە، یەکێکیان کوردە.
* چوار پێنج شوێن ھێشتا نەدراون بە کۆمپانیا، یەکێکیان مزگەوتی گەورەیە.
* حکومەت تەنیا لە دوو سێ بواردا شکستی ھێناوە، یەکێکیان حکومەتدارییە.
* زۆر شت شۆڕشیان لەبەرچاو خستین، یەکێکیان شۆڕشگێڕەکانە.
* عەمەلیاتی مناڵبوون یەک خەتەری گەورەی تێدایە، چواریان ئەوەیە کە زەروور نییە.
* بەعزە شتێک ھەر لە ئەزەلەوە سوێرن، یەکێکیان نمەکی سلێمانییە.
* شەقامی سالم یەک دوو غەڵەتی بچووکی تێدایە، یەکێکیان ئەوەیە کە سالم نییە.
* دوو شتی کۆرۆنای ھەولێر ناچێتە ئەقڵەوە، یەکێکیان ئامارەکەیەتی.
* حیزبی کوردی دوو داهێنانی هەیە، یەکێکیان ئیعلامی سێبەرە.
* پەروەردەی ھەرێم چەندین غەدری لێ کراوە، یەکێکیان ئەوەیە گوناحە پێی بڵێی پەروەردە.
* دەوڵەتی عیراق ئەگەر دوو موشکیلەی ھەبێ، یەکێکیان ئەوەیە کە دەوڵەت نییە.