نە ئەمەوێ…نە ئەتوانم

.

نە ئەمەوێ…نە ئەتوانم

* نە ئەمەوێ بگەرێمەوە بۆ رابوردوو، نە ئەتوانم بەرگەی ئەم کوێرەوەرییەش بگرم.
-شەعبی عیراق-

* نە ئەمەوێ دڵی ئێوەم لێ بڕەنجێ، نە ئەتوانم لە فەرمانی ئەوانیش دەرچم.
-کۆمپانیای نەوتین-

* نەئەمەوێ تووشی کۆرۆنا بم، نە ئەتوانم دۆمینەی چایخانە تەرک بکەم.
-کوردە حەیاتەکە-

* نە ئەمەوێ قنگم تەڕبێ، نە ئەتوانم واز لەماسیگرتن بهێنم.
-ماسیگری سیاسی-

* نە ئەمەوێ ناز و نیعمەتی ھەڤاڵ کەیخوسرەوم لە کیس بچێ، نە ئەتوانم پوولێ بنێم بە فەرھادەوە.
-تازەترین پۆستی شیرین لە فەیسبووک-

* نە ئەمەوێ مێوژەکەم بەشی کەس بدەم، نە ئەتوانم بەبێ خورما ئیدارە بکەم.
-مام زۆرابی ئەم زەمانەیە-

* نە ئەمەوێ کەس ئەم وەزعەم بۆ شەرح بکات، نە ئەتوانم خۆم لێی تێ بگەم.
-سەرکردایەتیی سیاسیی کورد-

* نە ئەمەوێ عینادی لەگەڵ کۆستەردا بکەم، نە ئەتوانم تەحەمولی سیاقەتی ئافرەت بکەم.
-تەکسی سەنی-

* نە ئەمەوێ کەس لێم بخوێنێ، نە ئەتوانم ھیچ دەسەڵاتێکیان بدەمێ.
-دەسەڵاتداری کورد –

* نە ئەمەوێ مەمنونی خەسوم بم، نە ئەتوانم خۆم فێری کفتە و ترخێنە بکەم.
-بووکی دیجیتاڵی-

* نە ئەمەوێ یەک فلسم تیا خەرج بکەیت، نە ئەتوانم یەک فلست بۆ پەیدا بکەم.
-کۆمێکی مایەسیردار-

* نە ئەمەوێ بایکۆتی کاڵای تورکی بکەم، نە ئەتوانم.
-حاڵی ھەرێم-