بە پێی مەزھەبەکان

.

بە پێی مەزھەبەکان

* ئەوە عاشورایە کە ئیسلامی بە زیندوێتی ھێشتووەتەوە -مەزھەبی شیعە-

* ئەوە ساقە سەری خۆم و فراکسیۆنەکەمە ئەم مانگەش فریاتان کەوت -مەزھەبی کازمی-

* ئەوە گێلکردنی میللەتە ئێمە بەپێوە رادەگرێت -مەزھەبی دیکتاتۆر-

* ئەوە زۆڵێتی ئینگلیز بوو کوردو عەرەبی لە خەلافەتی عوسمانی ھەڵگەڕاندەوە -مەزھەبی ئیخوان-

* ئەوە دەم چەورکردنی برادەرانە ئەو ھەموو سەیارە شەحنە ئەکات بەمدیودا -مەزھەبی مەعرەزەکان-

* ئەوە ھیممەت و بەرەکەتی منە سمتت بۆ ئەکات بە دەگرمانی ئاش -مەزھەبی سیلیکۆن-

* ئەوە کەرێتی صەدام بوو عیراقی بۆ خستینە سەر سینییەک و پێشکەشی کردین -مەزھەبی مالیکییەکان-

* ئەوە شەراکەتی کۆمپانیاکانە ناھێڵێت شەڕی ناوخۆ بەرۆکتان بگرێتەوە -مەزھەبی بازرگانی-

* ئەوە ئازایەتی ئێمەیە فەردەیەک خەیار بە سێ ھەزارە -مەزھەبی پلاندانان و ئەوان-

* ئەوە سیلەی رەحمە دوانزە ساڵە ناھێڵێ نەقڵ بکرێی -مەزھەبی تەکەتولبازیی-

* ئەوە نەوسە ناھێڵێ ھیچ ئیستیفادەیەک لە وەرزشی لەشجوانی بکەم -مەزھەبی گیپاڵدارەکان-

* ئەوە لەھجەی لوبنانییە بەسەروگوێلاکی شکاوەوە کە سیاسییە کوردەکان جوابی پرسیارەکانی پێ ئەدەنەوە -مەزھەبی زەمەخشەری-