خوێندنی باڵا دەرچووانی دوانزەی ئامادەیی ئاگاداردەكاتەوە

.

وەزارەتی خوێندنی باڵا و توێژینەوەی زانستی دەرچووانی قۆناغی دوانزەی ئامادەیی ئاگادار دەكاتەوە كە لەم هەفتەیەوە دەتوانن وشەی تێپەڕ و نهێنی پاسۆرد و یوزەرنەیم لە خوێندنگەكانیان وەربگرنەوە.

عەباس ئەكرەم وتەبێژی وەزارەتی خوێندنی باڵا و توێژینەوەی زانستی رایگەیاند: دوای هەوڵەكانی بەڕێوەبەرایەتی گشتی خوێندن و پلاندانان و بەدواداچون لە وەزارەت و ناوەندی وەرگرتنی خوێندكاران، وشەی تێپەڕو نهێنی (پاسۆرد و یوزەرنەیم) بۆ سەرجەم دەرچوانی دوانزەی ئامادەیی ئامادەكرا و هەر دوێنێش ڕەوانەی وەزارەتی پەروەردە كرا.

وتەبێژی وەزارەتی خوێندنی باڵا و توێژینەوەی زانستی داوا لە دەرچوانی پۆلی دوانزەی ئامادەیی دەكات لەم هەفتەیەوە دەتوانن سەردانی خوێندنگەكانیان بكەن بۆ وەرگرتنەوەی وشەی تێپەڕو نهێنی (پاسۆرد و یوزەرنەیم)، وتیشی پێویستە دەرچوان بەباشی پاسۆرد و یوزەرنەیمەكانیان بپارێزن، چونكە دواتر لەڕێگەی ئەو (پاسۆرد و یوزەرنەیم)ە دەتوانن (زانكۆلاین) پڕبكەنەوە.

لەبارەی كاراكردنی زانكۆلاین بۆ دەرچوانی دوانزەی ئامادەیی، وتەبێژی وەزارەتی خوێندنی باڵا و توێژینەوەی زانستی ڕایگەیاند: لە چەند رۆژی داهاتو زانكۆلاین بۆ دەرچوان كارا دەكرێت و پێش كاراكردنیشی لە ڕاگەیەنراوێكی رۆژنامەوانیدا وردەكارییەكەی بۆ دەرچوان دەخرێتەڕو.

PUKmedia راگەیاندنی وەزارەتی خوێندنی باڵاوتوێژینەوەی زانستی