گه‌نجینه‌یه‌ك له‌دراوی ئاڵتونی ده‌دۆزرێته‌وه‌

.

له‌ئیسرائیل دوو گه‌نج گه‌نجینه‌یه‌كیان دۆزیوه‌ته‌وه‌ كه‌ مێژووه‌كه‌ی ده‌گه‌ڕێته‌وه‌ بۆ هه‌زارو 100 ساڵ له‌مه‌وبه‌ر.

ئه‌و دوو گه‌نج له‌پشووی هاویندا كۆمه‌ڵێ دراوی ئاڵتونیان دۆزیوه‌ته‌وه‌، كه‌پێده‌چێت مێژووه‌كه‌ی بگه‌ڕێته‌وه‌ بۆ هه‌زار و 100 ساڵ پێش ئێستا.

دراوه‌كه‌ كه‌له‌ گۆزه‌یه‌كی له‌قوڕ دروستكراودا دۆزراوه‌ته‌وه‌ له‌شوێنه‌واری یاڤانی ده‌كه‌وێته‌ ناوه‌ڕاستی ئیسرائیل و 425 پارچه‌ دراوی ئاڵتوونیی تێدابووه‌، كه‌ به‌شی هه‌ره‌ زۆریان بۆ سه‌رده‌می عه‌باسی ده‌گه‌ڕێته‌وه‌.

به‌پێی زانیارییه‌كانیش ئه‌م كه‌سانه‌ی ئه‌و گه‌نجینه‌یه‌یان شاردوه‌ته‌وه‌ پێشبینی ئه‌وه‌یان كردوه‌ رۆژێك له‌ رۆژان بیدۆزنه‌وه‌.

دۆزینه‌وه‌ی ئه‌م گه‌نجینه‌یه‌ش ئاماژه‌یه‌كه‌ بۆ بوونی په‌یوه‌ندی بازرگانی له‌نێوان ئیمپراتۆرییه‌ته‌ ركابه‌ره‌كانی ئه‌و قۆناغه‌ مێژووییه‌.

PUKmedia  /  ئاژانسه‌كان