ناوەندی فینلاند و كەرتی تامپەرە كۆدەبنەوە

.

لەسەر رۆشنایی  رێنماییەكانی مەكتەبی ناوەندەكانی دەرەوەی یەكێتیی نیشتیمانیی كوردستان بۆ گەشەپێدان و نوێبوونەوەی كەرتەكان، رۆژی هەینی 14-8-2020، وەفدی ناوەندی فینلاند كە پێك هاتبوو لە جەبار جومعە و ئەحمەد خۆشناو و مەزن بابان و شاهۆ مەلا وەیسی لەگەڵ بەرپرس و ئەندامانی كەرتی رێكخستنی تامپەرە كۆبۆوە.

 سەرەتا بۆ رێزگرتن لە گیانی پاكی شەهیدانی كورد و كوردستان ئامادەبووان خولەكێك بە پێوە وەستان، پاشان لێپرسراوی كەرت كامەران بابان بەخێرهاتنی هەموو هەڤاڵانی كرد و خۆشحاڵی خۆی دەربڕی بەم سەردانیە و باسێكی لەسەر كار و چالاكی ماوەی رابووردووی كەرتەكە كرد هەروەها تیشكی خستە سەر پلان و پرۆژەی داهاتوو.

دواتر جەبار جومعە سوپاسی بەرپرس و ئەندامانی كەرتی كرد كە بەوپەڕی لەخۆبووردیەوە و دڵسۆزانە خزمەت بەیەكێتییەكان ئەكەن و بەكورتی باسێكی لەسەر مێژوو و خەباتی یەكێتی كرد و تیشكی خستەسەر  كۆنگرەی چواری یەكێتی و هاتنە پێشەوەی كۆمەڵێك گەنجی دڵسۆز و خوێن گەرمی یەكێتی بۆ ناو ئەنجومەنی سەركردایەتی كە بوون بەمایەی نوێبوونەوە و هەستانەوەی جارێكی تری یەكێتی، پاشان باسی هەڵبژاردنی مەكتەبەكان و هەڵبژاردنی هاوسەرۆكان لاهور شێخ جەنگی و پاڤل تاڵەبانی كرد، دوای ئەوە باسی كار و چالاكییەكانی ناوەندی فینلەندای كرد، هەروەها باسی پەیوەندی نێوان ناوەندی فینلاند و حزبە كوردستانییەكان كرد، پاشان ئەندامانی وەفدەكە هەركەس لەلای خۆیەوە  راوبۆچوونی خۆیان خستەروو و چەند پێشنیار و روونكردنەوەیان بۆ شێوازی ئەنجام دانی چالاكییەكان بۆ هەڤاڵان  خستەڕوو.

 دواتر ئەندامانی كەرت هەموو بەگشتی خۆشحاڵی خۆیان دەربڕی بەم كۆبونەو و بەم سەردانیە و راوبۆچوون و پێیشنیار و تێبینییەكانیان خستەروو و ئاماژەیان دا كە ئەوان وەكو كەسوكاری شەهیدان و وەكو هەر ئەندامێكی دڵسۆز و وەفاداری یەكێتی ئامادەن هەمووكات هاوكارو یارمەتیدەر بن بۆ برەودان بە كار و چالاكییەكان.

PUKmedia تایبەت