دانیمارك.. یادی كۆمه‌ڵ كوژیه‌كه‌ی شه‌نگال به‌رز راگیرا

.

به‌مه‌به‌ستی یادكرنه‌وه‌ و به‌رز ڕاگرتنی كاره‌ساتی كۆمه‌ڵكوژیه‌ی كه‌ شه‌ش ساڵ له‌مه‌وبه‌ر به‌سه‌ر كوردانی یه‌زیدیدا هات له‌ شه‌نگال رۆژی دووشه‌مه‌  3-8-2020، گردبوونه‌وه‌یه‌كی جه‌ماوه‌ری له‌ شاری كۆبنهاگن سازكرا .

مه‌ڕاسیمه‌كه‌ به‌ساتێك وه‌ستان بۆ گیانی پاكی سه‌رجه‌م شه‌هیدانی كوردستان به‌گشتی و شه‌هیدان و قوربانیانی شه‌نگال به‌تایبه‌تی ده‌ستی پێكرد و دواتر چه‌ندین ووتار و درووشم به‌ كوردی و دانیماركی  ووتراو خوێندرایه‌وه‌.

ئه‌م مه‌ڕاسیمه‌ له‌ لایه‌ن مه‌جلیسی ژنانی دیموكرات ڕێكخرابوو  وه‌ چه‌ندین لایه‌ن و ڕێكخراوی كۆمه‌ڵگای مه‌ده‌نی به‌شداریان تێدا كرد، بۆ ئه‌و مه‌به‌سته‌ شاندێك له‌ ناوه‌ندی یه‌كێتی نیشتیمانی كوردستان  له‌ دانیمارك كه‌ پێكهاتبوون له‌ به‌ڕێزان ( هاوڕێ مه‌حمود لێپرسراوی كه‌رتی ڕێكخستنی  كۆبنهاگن و سه‌باح فاروق وهوشیار محمود ئه‌ندامانی ئه‌نجوومه‌نی كه‌رته‌كه‌  ) به‌شداری ئه‌م یاده‌بوون كه‌ تیادا  هاوڕی محمود به‌ناوی ناوه‌ندی یه‌كێتی له‌ دانیمارك ووته‌یه‌كی پێشكه‌ش كرد و ئاماژه‌ی كرده‌ سه‌ر ئه‌و كاره‌ساته‌ نامرۆڤانه‌یه‌ی كه‌ شه‌ش ساڵ له‌مه‌وبه‌ر له‌ لایه‌ن ڕێكخراوی تیرۆرستی داعش كرایه‌ سه‌رخه‌ڵكی بێ تاوانی شه‌نگال كه‌ زۆربه‌یان ژن و منداڵ بوون و چه‌ندین تاوانی دژ به‌ مرۆڤایه‌تیان به‌رامبه‌ر كرا ، هه‌رچه‌نده‌ ئه‌وكاته‌ هێزه‌كانی یه‌كێتی نیشتیمانی كوردستان له‌ ناوجه‌كه‌ توانیان ژماره‌یه‌كی زۆر له‌ دانیشتوانی ناوچه‌كه‌ ڕزگار بكه‌ن و هاوكاری خه‌ڵكه‌كه‌ بكه‌ن  به‌لام گه‌وره‌یی كاره‌ساته‌كه‌ بووه‌ هۆی ئه‌وه‌ی قوربانی  زۆری لێ بكه‌وێته‌وه‌ ، وه‌ به‌ناوی ناوه‌ندی یه‌كێتیه‌وه‌ له‌ دانیمارك ئیدانه‌ی ئه‌و كاره‌ نامرۆڤانه‌ی كرد كه‌ به‌رامبه‌ر كوردانی یه‌زیدی كرا..

PUKmedia ڕاگه‌یاندی ناوه‌ندی یه‌كێتی له‌ دانیمارك