كەنەدا.. دووەم منداڵی خێزانە كوردەكە گیانی لەدەستدا

.

دوای ڕووداوەكەی ئاگر كەوتنەوە لە ماڵێكی كورد لە ناوچەی ماركام كە بووە هۆی گیان لەدەستدانی منداڵێكی تەمەن 12 ساڵ بەناوی ئاران و سووتانی سێ كەسی دیكەی خێزانی ئەوماڵە ، رۆژی پێنج شەممە منداڵێكی دیكەی ئەو خێزانە تەمەن 6 ساڵ بەناوی ژیربە هۆی سووتانی لەشی لەو ڕووداوەدا گیانی لەدەستدا و رۆژی شەممە 25/7/2020 لە گۆڕستانی ماركام بە ئامادەبوونی ژمارەیەكی بەرچاوی كوردانی توڕونتۆ بە خاك سپێردرا، بەڵام جیا حمید دایكی ژیر و كوڕە گەورەكەی ئەحمەد هێشتا بۆ چارەسەركردن لە نەخۆشخانەدان .

جێی ئاماژەیە رۆژی 18ی ئایاری ئەم ساڵ پۆلیسی ماركام لە كەناڵی CPtv ڕایگەیاند كاتژمێر 10 ی سەر لەبەیانی رۆژی 18 ی ئایاری 2020 ئاگادار كراینەوە لە ناوچەی ماركام لە ئاكامی تەقینەوەیەك ئاگر لە مالێك بەردەبێتەوە بەو هۆیەوە مناڵێكی تەمەن 12 ساڵ بەناوی ئاران گیانی لە دەستداو ژنێك بەناوی چیا حەمید و دوو كوڕی دیكەیشی بە ناوەكانی ئەحمەد تەمەن 14 ساڵ و ژیر تەمەن 6 ساڵ بە سەختی بریندار دەبن .

تاهیرحەمید رۆژی شەممە لە میانەی بەخاك سپاردنی كوڕەكەی بە خەم و كوڤانێكی زۆرەوە وتی " سێ ساڵ لەمەبەر لە سلێمانی بۆ ڕزگاركردنی خێزانەكەم  ڕووم لە وڵاتی كەنەدا كرد " ئێستاش دووچاری ئەم كارەساتە بووین ، زۆر بەداخەوە ئەوە دوو كوڕم لەدەستدا.

PUKmedia عوسمان عەلی- توڕونتۆ